ZRC Awging Lom 4, Hawm 12 (25-Oct-2015)

Tukaal Thulu Te Tomlakna (na etnop pen meek ziau le cin)
  1. Gambeel Mi Akua Mapeuh In Theih Huai Thu
  2. UNHCR Zumpi Ah Kipawlna Makaite Leh UNHCRLivelihood Unit Pan Uliante Tawh Ki Muhkhopna Kinei
  3. !!!MEMSA Pan In Micina Kepdan Khoi Dan (Health Care Providers Training) Om ding!!!
  4. Pasian Min Phat Khawm Ding In Kong Zawn Uh Hi
  5. ZRC Zum Ah Niik Leh Puan 2015 Latest Design Tuamtuam Hong Tungta
  6. Dahpihna
  7. Lungdam Kohna
  8. !!! Nasep !!!Nasep !!!Nasep !!!

August 17, 2010 mapeuh mah in UNHCR card tawi Zomi gambeel akua mapeuh in gam thumna (USA) lunglut na pi’n RST a phyi nailo akua mapeuh in gam thumna na lunglut lam UNHCR ah theihsak ding ki sam mahmah hi.
August 17, 2010 ma UNHCR card tawi na pi’n RST aphyi nailo gam thumna (USA) alunglut akua mapeuh in December 31, 2015 ni a nunung pen in gam thumna (USA) na lunglut lam nong pulaak ding ki sam hi. US gam kumpi te’n December 31, 2015 maa aki pulaak akua mapeuh ii thu en kik ding uh aa US pai theihna ding in interview nei nuamlai uh hi. December 31, 2015 khit zawh hong ki pulaak akua mapeuh pen group case ah ki hel thei nawnlo ding uh aa case by case ah ki hel kik ta ding uh hi.
Bang ci dan in Gam thumna na lunglut lam UNHCR zumpi ah gen ding?
  • October 19, 2015-December 31, 2016 kikal sung Monday – Friday ni Zingsang nai 9:00am-12:00pm leh 1:00pm-2:00pm kikal in UNHCR zumpi mai ah ki gual ding ahi.
  • Email a nei te’n email pan in zong khak ding in hoih hi. Na khak hamtang in. Email address: mlslusgp@unhcr.org.
  • Na UNHCR card uh UNHCR zum ah nong keng ding mang ngilh loh ding thupi ding hi.

    • Tua dan hih leh cin pen na lunglut lam UNHCR zumpi te’n hong tel ding aa, nang pen na interview ni ding hong pia ding ci uh hi. Ahi zong in tu aa thu tawh kizui in

  • August 17, 2015 maa in UNHCR card a ngahte ading bek hi phot hi.
  • Alutpih nop om hi leh zong UNHCR card a ngah hunlai in Zi/pasal nei aa gen khol leh Unau/Sanggam/Nu le pa a guang kholsa te ading bek in lem ding hi.
  • UNHCR card ngahlai hun in Zi/Pasal guanglo aa ‘Single’ in a lutte’n Zi/Pasal hong tonpih kei hen.
  • Hih tawh kisai in na case pen ki khawl sak phot hong kici te ahi zong na file pen RST ah na puak khin ung hong kici khinte hong pai kei uh hen.

    • Hih thu tawh kisai in sum bang mah bei ding kisamlo hi. US tun theihna ding in Pilna, siamna, bangmah neih kisamlo hi. Na hih ding uh pen December 31, 2015 maa in UNHCR zum ah na ki pulaak ziauh ding bek hi.

    Fraud case ah aki hel te, UNHCR zumpi’n zuau gen ci aa hong ciam teh khin te, UN card pen nang min hilo aa mi min a zang aa a ki thei khia khin te, sum na piak ahi zong na piak loh ahi zong in na case (file) uh pen US kumpi te’n bang mah khensatna nei nailo hi.

    ⇑Atung Lamah

Thu Masa

October 22, 2015 (Thursday) ni zingsang nai 9:30am in UNHCR zumpi ah UNHCR-CDU (Community Development Unit) te ii makaihna tawh kipawlna makaite leh UNHCR-Livelihood Unit pan uliante tawh ki muhkhopna ki nei thei hi.

Livelihood Unit pan uliante’n amau ii nasepnate hong pulaak khiatna leh mai kum 2016 ading in mimal nuntaak theihna ding in aki sam teng hong dong in hong kaikhawm uh hi. Livelihood Unit in gambeel mi khempeuh huhna pia lo hi. Huhna ih nget nop leh UNHCR ciap tehna ih ngah masak kul phot hi.

Livelihood Unit Pan Gambeel te Ading Mapanna Tom Kim Cing:

  1. Nasep neilo te ading in nasep zonsak uh hi.
  2. Innkuan nuntaakna hamsa asa te’n zong huhna ngen thei hi.
  3. Pilna lam tawh kisai ahi zong, siamna lam tawh ki sai ahi zong project abawl nuam te’n zong amau tawh ki kum in bawl theih ahi hi.


    4. ⇑Atung Lamah

MEMSA Sang pen sang hoih mahmah khat hi aa, Cidamna lam tawh kisai kep dan khoi dan sinna ahi hi. Certificate (Laidal pi) zong hong kipia ding hi. Tua sang pan a ong peuhpeuh in US (America), Canada, United Kingdom ah khat peuhpeuh na tun ciang in zong cina kep tawh kisai in nasep hoih ki ngah thei ding aa, khasum zong hoih hi.

MEMSA Sang Akah Nuam Akua mapeuh ii theih ding:
  1. MEMSA sang pen Level in ki khen aa... Level 1 in Kha 6 sung sang kah kha ding hi. Level 1 zawh sial in certificate ki pia ding hi.
  2. Sang kah man Level 1 pen kha 6 sung hi aa, RM 500 hi ding hi. An leh Omna pia sa ahi hi.
  3. Akah nuam peuh mah in December 30, 20105 a nunung pen in ZRC zum ah min sayin pia aa Form nong fill up na ding ki sam hi.
  4. Sang kahna ding mun pen MEMSA Training Center, Bukit Beruntung ah hi ding hi.
  5. A tel beh nuam ih om leh ZRC zum ah nong kanna ding kong zasak uh hi.
⇑Atung Lamah

Zomi Christian Assembly (ZCA) pawlpi te ii makaihna tawh October 30, 2015 (Friday) ni nitaak nai 9:00pm pan 11:30pm dong Grace convention Centre ah Pasian min phat khawm ziahziah ding in hong zawn uh hi. Zomi khempeuh pai kim ciat ding ngimna tawh mun tuamtuam, veng tuamtuam pan in bus om ding hi.

Thu gen (Speaker): Rev. Dr. Khai Suan
Special Guest: JK Kam, Mungpi (Idol)
 
        Amun:	Grace Convention Centre
		Level 3, Mayang Plaza, SS 26/2
		47301 Petaling Jaya, Kuala Lumpur.
Kizopna ding:	Sya Lianbawi: 018-240 7634
		Sya David: 018-355 0340
		Sya Thangta: 011-1639 5368
⇑Atung Lamah

ZRC zum ah Zoniik, leh adangdang Niik leh Zaa puan, kawlgam kawl lukhu hoih nono 2015 latest design hong tungta hi. Alei masa ahampha hi ding hi. Niik leh puan alei nuam peuh mah in aman lang thei pen in nong pai na ding un thu hoih kong puak uh hi. Taman Sri Kuching ah zong om hi. Niik leh puan tawh kisai ki zopna ding Syamah Dimboih 011-271 87622
⇑Atung Lamah

Cikha khua pan ahi Kawlpi ah teng Tg. Mung Sian Khai in hong nusiatna thu tawh kizui in a omlai a innkuan pih te tawh ZRC in dahpih hi cih thu kong pulaak khia uh hi.

Sunway pawlpi pan ahi Myanmar Believers Fellowship (MBF) in zong mi nam a itna leh Pasian a zahtaakna uh tawh ZRC zum ading in RM 100 hongpia khia ahihman in ZRC pan ki lungdam mahmah hi.

Muizawl Khua pan ahi Ko Munglay (Praise Garden Studio) te innkuan in zong Zomi a it avei na leh Pasian a zahtaakna uh tawh ZRC ading in RM 50 hongpia khia ahihman in ZRC pan in ki lungdam mahmah hi.

ZRC ii nasepna te thapia nuam ih om leh ZRC pan in lungdam tak in ki sang hi. Zomi ading sem khawm ni!
⇑Atung Lamah

London, England (United Kingdom) ah teng Heilei khua pan ahi Nu Nem Deih Cing in Pasian a itna leh Zomite avei na hang in ZRC ading in RM 140 hongpia khia ahihman in ZRC pan lungdamna kong lak khia uh hi. Pasian in a tanu thupha hongpiak sak ta hen!
Lailo khua pan ahi Pu Khup Suan Pau te innkuan in Pasian a zataakna uh leh Zomite a it avei na uh hang mah ngiat in ZRC zum ading in RM 50 hongpia khia ahihman in ZRC pan lungdamna kong lak uh hi. Pasian in a thuphate hong buaksuksak ta hen!
Zomite ading in nasem ahi ZRC ii nasepna te thapia nuam ih om leh ZRC pan in lungdam tak in ki sang den hi.
⇑Atung Lamah

  1. DIAMEX Setzong Ah Numei 5 Kideih
  2. Computer Tawh Kisai Pasal 2 Kideih
  3. Vasa Mul Botna Ah Numei 2 Kideih
  4. Ansai Ah Pasal 3 Kideih

Zato, MC, Clinic pai na ah apai theilo te ahi zong, Pau leh ham theih loh man in kamphen aki sam ahi zong ih om leh Sya Khanpi 010- 972 0902 tungah huhna ki ngen thei den hi.
⇑Atung Lamah


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
Download-ZRC Awging Lom 4, Hawm 12.PDF
at
Labels: , , , ,