ZRC Awging Lom 3, Hawm 88 (10-May-2015)

Tukal Thulu Te Tomlakna (na etnop pen meek ziau le cin)
  1. A Manpha Nute Ni
  2. ZOMI IC A (3) VEI NA Naih Mahmah Ta
  3. !!!UNHCR Card Ngahsa te Khenthum Kisuah!!!
  4. Thong Pan Hong Pai Khia Te Tung Zaksakna
  5. Gamteel RST Vai Zaksakna
  6. UNHCR Zumpi Pan UNHCR Card Ki Laaksak Kik
  7. Lungdam Kohna
  8. !!Nasep!! Nasep!! Nasep!!


A khangto minamte in pianna Nute zaktakin thupi sim ciat uh hi. Sente le Kawlte bangin pasian zahin zahtakin bia uh hi. Leitungah Nute’ ni taktak hong piankhiatna pen a nu a itluat manin pasal zong nei lo-in, a nu a sih dong a kem Anna Jarvis hanciamna hi ci-in kiciamteh hi. Anna in a nu’ sih (1905) khit ciangin nute’ thupina phawk phapha hi. Nute’ ni neih ding hanciam hi. 1908 kum ciangin a pawlpi in thukimpihin Nute’ ni bawl uh hi. Hih thu hoih kisa-in pawlpi sung bek hi lo, US gam sungah hong kizel henhan hi. 1914 kum ciangin US President Woodrow Wilson in gambup aa bawl dingin kipsakna thu tangko khia hi. Hi ci bangin leitung ah Nute’ ni hong kizel hi. 2015 kuma dingin May 10 NUTE’ NI ahi hi. Mimal kim kihel theihna Nute ni- bawlzia ding ka ngaihsutsut ciangin: Nute’ ni Kam tawh bawl dih ni. “Pasian aw! hih bang Nu nong piak ka lungdam ci-in kam tawh pulak ni. Tua khit ciangin, “Nu aw, hong it ing. Nu aw, hong maisak in, Nu aw, ka lungdam.” cih kammalte cilbawl lo-in pulak khia ciat ni. Zomite pen “Hong it ing” a kici dakdakte hi khol lo hi hang. Ahih hangin khangthak hun ah, ngeina thak suaksak ni.

La sasiamte la phuaksiamte in la pahtawi ni. Biakinn ah le innkuan kikhopna ah nute pahtawina thu gen ni. Khualgam a omte in phone tawh hopih ni. Naupang a pauthei cilte in nu nu, pa pa a cih theih lai a, nu le pa a lungdam zahin nute lungdam mahmah uh hi. Nute lungdamna in tate a dingin thupha ahi hi. Nu tawh a om khawmte in hong it ing i cih khit ciang, i nu biang nam dih ni. Lungdamna khitui mualtuang pelmawh ding hi. Nute tungah i itna, i lungdamna muhtheih gamtatna khat teitei tawh pulak hamtang ni. Nu tawh a omkhawm lo tate in email khak dih ni. Lai khak ni. A sihkhit cianga email le laikhakte nute in za thei nawn lo uh hi.

Neihna tawh kizui-in letsong pia ni. Neuno khat ahi zongin lungdam mahmah uh hi. Mangngilh lo-in gengen uh hi. Nute a dam sungin i piak theihte suangmanpha sangin manpha zaw a, a om nawn loh ciangin bangmah kipia thei nawn lo hi. Nute tungah i lungdamna i kamin gen khin zo ngei lo ding hi. I neihsa in lak khin zo ngei lo ding hi. A taktak in nute in i kamsiam hong lamen masa lo hi. I letsong lunggulh masa lo hi. Muanhuai tak a i nuntak ding hong ngak gige hi. A khanggui a zom ding ihih lam phawk gige uh hi. A kum uh tam deuhdeuh tate tungah hong kinga deuhdeuh uh hi. Tua ahih manin i nuntakna tawh nute tungah lungdam ko ni.

-Nute’ theih in hi ta leh a theih loh in hi ta leh,
-Nute’ muh in hi ta leh a muh loh in hi ta leh,
-Nute’ dam lai hi ta leh a sih khit ciang hi ta leh,
-Nute’ tawh i om khop ciang hi ta leh i kigamlat ciang hi ta leh
Nute’ lunggimsak ding nuntakziate pelin,
Nute’ lungkimsak ding nuntakziate nei-in,
Sih dong nuntak sawm ciat ni.
Alei masa a hampha Free T-Shirt (T&C Apply).
Luckly Draw zong om ding hi.
Ticket ki ngah theihna mun te
Sri Kuching Veng       : 011-271 87622
KL Khua Sung            : Tauzalat Ansai   
ZRC Zum                   : 039-224 7283 /012-7763014
Tua ciang bek in a sang penpen in Nu aw hong it mahmah ing a cici i hi ding hi. Tua hi leh i nute lungmuang ding hi. Koikoi ah i tung zongin a tawldam ding hi. A sih ciang nangawn in lungkim takin leitung nusia ding hi.

Hih a tunga thuthum teng lungngai kawm-in 2015 NUTE NI zang khawm ni.

Laaksawnna: Rev. Khoi Lam Thang' laigelh

Ih ngak lah mahmah ahi Zomi International Concert A (3) Veina show pen Pasian in hong thukim pih leh June 12, 2015 ni in bawl ding in ki khensat hi. ZOMI-IC apan khia Sya Philip Mawngpi ahi hi. Zomi sung ah lasa siam min thang tuamtuam hong pai ding uhhi. Ticket zong ki ngahta ahihman in abei ma in na lei mengmeng in.

Lasa Ding: Khuppi, Theinkhai, Muanpi, TL Zamnu & Cing Lian Moong
Music: Munglay (Keyboard), Gin (Lead), Lialian (Drum) & Khaisian (Bass).

Ani       : June 12, 2015 (Friday) Ahun    : 11:00am-6:00pm
Amun   : Chinwoo Stadium               Jln Stadium 50150 KL.
Lutman: Ticket 1 : RM 35
Alei masa a hampha Free T-Shirt (T&C Apply).
Luckly Draw zong om ding hi.

Ticket ki ngah theihna mun te
Sri Kuching Veng       : 011-271 87622
KL Khua Sung            : Tauzalat Ansai   
ZRC Zum                   : 039-224 7283 /012-7763014
Maluri Veng           &nbs p;    : 012-7763014 /014-923 1043
Sunway Veng           &nbs p; : 016-996 0503
Pandan Jaya &
Pandan Indah  Veng   : 018-664 8235
Kota Damansara         : 014-922 5395
Rawang           &n bsp;           : 010-364 3091
Pudu Veng           &nbs p;      : 018-263 5184
Imbi (Timesquare)       : 011-213 86478
Hangtuah Veng           : 018-263 5184

Theihsakkikna
Tulaitak aa gambeel mi a kua mapeuh lung hihmawhna thu te lak aa khat ahi, “Ka Vai Bang Cidan A Hitam Maw” cih ahi hi.

Tutadih in thunei ulian te genna ah,
UNHCR card ngah sa te Group 3 in ki khen thei hi.
  1. August 17, 2010 ciang UN card ngah sa te
  2. December 31, 2012 ciang UN card ngah sa te
  3. 2013 pan Feb 2015 ciang UN card ngah te cih a hihi.

Gencianna
Group 1
  1. Aug 17, 2010 ciang UNHCR card ngah pawl hi in gam 3 na pai thei ding in akiciam teh sate ahi uh hi.
  2. Ahih hang in 2010 beima UNHCR card ngah mikhat RST, RSC/OPE, DHS zong tung khin aa, 2012 pan in UNHCR card ngah nai lo zi/pasal, nu/pa, u leh nau lut pih na hih leh a mau na ngak kul ding aa a mau’ tun na pan na ki pat kul ding hi. gtn. RSC/OPE tung na hih leh RST pan ki pan kik ding.
  3. 2010 beima UNHCR card ngah mikhat in 2013 pan in card ngah nai lo zi/pasal, nu/pa, u leh nau lut pih na hih leh RSD pan na ki pat kul ding hi.
Group 2
  1. Dec 31, 2012 ma siah aa UNHCR ngah te zong pen gam 3 na pai thei ding cih gel na nei phot uh hi.
  2. 2012 beima UNHCR card ngah mikhat RST, RSC/OPE, DHS zong tung khin aa 2013 pan in UNHCR card nei nailo (ahk) ngah nailo zi/pasal, nu/pa, u leh nau lut pih na hih leh RSD ah a thak in ki pat kik kul limlim hi.
Group 3
  1. 2013 aa UNHCR ngah khat in card ngah nai lo zi/pasal, nu/pa, u leh nau lut pih na hih leh tua te pen card piak sak nawn lo ding hi. Ahizong in nu pa hi in nau a neih leh a nau tung tawn in kipia ding hi.
  2. 2013 aa card ngah te pen dam loh na, thong kia, mobile registration pan card ngah te ahihi. 2013 aa card ngah teng pen RSD interview om lai ding aa P1, P2, P3, P4, P5, P6, P7 ci-in nam 7 in ki khen hi .Tua teng na kantan theih leh RST ah na file ong ki puak sak ding hi pan hi. Na case te hoih tak na dawn theih ding hong thu pi mahmah ding hi. P1-P7 ciang kum bang zah sung interview om ding cih pen ki thei lian nai lo hi.

AHIHHANG in Vai khat-le- khat ki bang kim lo hi.

Nung deuh in Bukit Jalil thong pan UNHCR te ii huhna hang in hong suakta om na pi’n UNHCR card/laidal/appointment a ngahlo tampi tak ki za hi. Ei Zomi sung ah pan tua dan a tuak zong om aa ZRC zum ah min sayin hong ki puak hi. Min sayin hong ki puak nailo akua mapeuh in ZRC zum ah May 14, 2015 (Thursday) ni a nunung pen in nongzaksak ding zong kong theisak pah uh hi.

August 17, 2010-December 31, 2012 kikal ah UNHCR card angah teng gamteel (RST) interview hong kisap theihna ding in Zomi Refugee Committee (ZRC) zum ah a manlang thei pen in nongpai nang thu hoih kong zasak uh hi. UNHCR No. 354- tawh aki pan te hi hamtang ding hi. Zakaai kha leh cin hoihlo ding ahihman in na vai nang ma'n na kin ding kisam hi.

Tulai thu thang ahi UNHCR zumpi ah UNHCR card tet tan bei (expired) ahihman in a hin kik sak ding in ava pai uh ciang in pawl khat te ki pia kik nawnlo in laaksak suak hi. Bang hang in UNHCR zumpi in UNHCR card apiak sate pawl khat laaksak kik hiam? ih cih ciang in a UNHCR card uh abei sawt na pi’n UNHCR zum ah ahin kik theihna ding in pai pahlo aa thu nei (officer) te’n thu a dot ciang in hoih tak dawng theilo te ahi zong a min mang ngilh cihte pawl hi hamtang zaw hi. Tualo in UNHCR zumpi pan thu omlo in hong mawk laaksak kik ngiatlo hi.

Bang thu bangla ahi zong ih Zomi pih sung ah UNHCR zum pan na UNHCR card hong laak sak kik ahih zenzen leh ZRC zum ah nong zaksak hamtang ding in kong zasak hi. Athei kha ih om leh zong ZRC zum ah nong zaksak ding kisam hi. ZRC in ahoih pen ding leh a lem thei pen ding in hong ki pan pih ding hi.

Pasian itna leh Zomite vei na tawh ZRC zum ading in Myanmar Believer Fellowship pan RM 50 tawh maa hong pang khawm ahihman un ki lungdam mahmah hi. Ih biak Pasian in thupha a zah tampi hong piaksak ta hen!

Leitung mite in a kilawm, a silh nuam, cidam huai puante, Lai siangtho tawh kituak hong bawl uh leh tua bang puante ih silhna in Pasian tawh ih kizopna, leitung mite tawh ih kizopna hong kikhel saklo ding hi. Khristiante in Khris nung zui-in Pasian thu tawh kituakin kizem ding hi. A uang luate pelh ding hi. Mi’n a phat uha a gen sia uh zongin, ki niam khiatin lam taung a zuih ding uh leh phat tuamna a pia thumaan a let tinten ding uh ahi hi.

  1. Kongkhak Tuamtuam Bawlna Ah Pasal 4 Kideih
    2. Amun    : Subang Jaya
    Ahun    : Nai 9 sung
    Khasum Basic    : RM 900
    OT    : Om
  2. Zum Nasem Numei 1 Kideih
    3. Amun    : Subang Jaya
    Khasum    : Ki holim ding
    Nasep hun    : Nai 9 sung

Nasep dang tuamtuam zong Thursday ni sim in ZRC zum ah zingsang 11:00am in interview thei den hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039- 224 7283
at
Labels: , , ,