ZRC Awging Lom 4, Hawm 09 (04-Oct-2015)

Tukaal Thulu Te Tomlakna (na etnop pen meek ziau le cin)
  1. RSC Leh DHS Pan Contact Ki Ngahlo Teng
  2. Australia Pan Contact Ki Ngahlo
  3. UN Vai Tawh Kisai Thu Tuamtuam
  4. !!!MEMSA Pan In Micina Kepdan Khoi Dan (Health Care Providers Training) Om ding!!!
  5. Mikang Pau Leh Lai Sinna (British Council)
  6. A Theikha Ih Om Hiam?
  7. USA Pan Hong Tung Ding Kum 2016 Ciang Zong Gambeel Mi La Ding
  8. Kal Khat Sung Lungdam Kohna
  9. !!! Nasep !!!Nasep !!!Nasep !!!

Anuai aa aki gelh UNHCR numbat leh phone numbat teng pen RSC leh DHS (Lawakah) pan aki sam theilo teng hi aa, Tua te sung ah na UN numbat aki hel khak zenzen leh ZRC zum ah a manlang thei pen in nong zaksak ding kong theisak uh hi.

No. UNHCR No. (Dialect) Phone Lui
1. 354-08C01235 (Falam) 011-263 39656
2. 791-10C05001 (Tedim) 010-369 4718
3. 791-10C02125 (Hakha) 013-371 8307
4. 791-10C04996 (Hakha) 016-392 1428
5. 354-10C05534 (Zo) 012-261 5326
6. 791-10C03920 (Chin) 012-660 8830
7. 791-10C03951 (Chin) 010-860 7009
8. 354-09C06775 (Tedim) 012-623 5851
9. 791-10C00483 (Hakha) 018-266 7861
10. 354-12C02856 (Tedim) 010-234 8458
11. 791-10C03937 (Chin) 016-354 6055
12. 791-10C01656 (Falam) -----------------

No. Name UNHCR No.
1. Zam Mang 354-12C03237

August 18, 2010 pan December 31, 2012 kikal ah UNHCR card tawi te in gam 3na a lunglut uh leh, ei mah leh ei mah UN zum ah ki pulaak in lai gelh ding leh kawlgam ah ih ciah theih ngiatlohna thu leh Malaysia ah ih om hamsatna thu hoih tak in gen theih ding ki sam hi. Apai zia atheilo te’n ZRC zum ah huhna ki ngen thei hi.

SVP Aphyi Kul Pawl Leh Phyi Kullo Pawl
UN Card nung ah Malay lai in ki gelh a, UN card nunglam a tung penpen ah lai gual 3 a phak leh SVP (Status Verification Process) phyi (interview) kul nawnlo aa, UN card nunglam a tung penpen ah lai gual 4 a phak zenzen leh RST phyi maa in SVP phyi phot kul ding hi.

MEMSA Sang pen sang hoih mahmah khat hi aa, Cidamna lam tawh kisai kep dan khoi dan sinna ahi hi. Certificate (Laidal pi) zong hong kipia ding hi. Tua sang pan a ong peuhpeuh in US (America), Canada, United Kingdom ah khat peuhpeuh na tun ciang in zong cina kep tawh kisai in nasep hoih ki ngah thei ding aa, khasum zong hoih hi.

MEMSA Sang Akah Nuam Akua mapeuh ii theih ding:
  1. MEMSA sang pen Level in ki khen aa... Level 1 in Kha 6 sung sang kah kha ding hi. Level 1 zawh sial in certificate ki pia ding hi.
  2. Sang kah man Level 1 pen kha 6 sung hi aa, RM 500 hi ding hi. An leh Omna pia sa ahi hi.
  3. Akah nuam peuh mah in December 30, 20105 a nunung pen in ZRC zum ah min sayin pia aa Form nong fill up na ding ki sam hi.
  4. Sang kahna ding mun pen MEMSA Training Center, Bukit Beruntung ah hi ding hi.
  5. A tel beh nuam ih om leh ZRC zum ah nong kanna ding kong zasak uh hi.

British Council sang ah Mikang pau leh lai asin nuam akua mapeuh in placement test aki ci ei level tawh ki tuak in ih sin theihna ding in placement test phyi phot kul ahi hi. Gambeel mite ading in deihsakna tawh hong vai hawm khiatna hi aa, sang kahman sum lalo in deihsakna tawh hong kahsak ding uh hi. Alunglut akua mapeuh in Placement test ih phyi ding kong zasak hi.

Placement test phyi ding ahun, amun leh ani te anuai aa bang ahi hi. Ahun: Nitaak nai 6:45PM-8:45PM Ani: October 5, 2015 Amun: No. 17, British Council Wisma Selangor Dredging 142C Jalan Ampang 50450 Kuala Lumpur. Phone: 032-723 7936, 03-2713 6599

Saizang khua pan hi aa, Kawlpi (Kalay) ah a teng Pau Deih Tung pen tulai tak in Damansara Thong ah om hi. A theikha zasak uh hi.

Tu aa hong tung ding kum 2016 ciang zing USA kumpi te’n East Asia pan gambeel mi 13000 laak sawm ahihna thu kiza hi. Kum 2015 lai in USA pan in East Asia pan in gambeel mi mal 14000 bang la uh aa, a nuai aa bang ahi hi.

Kum 2014-2015 ki kal sung in USA kumpi te’n leitung bup ah om gambeel mi a laakzah uh avekpi gawm 70000 bang hi aa, tukha October 1, 2015 pan September 31, 2016 kikal sung in gambeel mimal 85000 laak sawm uh hi.

October 1, 2014-September 25, 2015 Kikal USA Pan Gambeel Mite Alak Zah
Gam (Continent) - Mimal
Africa - 21862
East Asia - 17071
Europe - 2304
Latin America/Caribbean - 2050
Near East/South Asia - 23914

October 2014-August 31, 2015 Ciang USA Te’n Gambeel Mi Alaak Zah
East Asia - Mimal phazah
Burma - 13831
China - 25
Korea, North - 15
Vietnam - 35

September 29, 2015 (Tuesday) ni in ZCA (Zomi Christian Assembly) pan in Zomi a it avei na uh leh Pasian a zahtaakna uh tawh ZRC zum ading in RM 100 hongpia khia uh ahihman in lungdam tak in ki sang hi. Hongpia khia ZCA pawlpi tung ah ih biak Pasian in thupha tampi hong piaksak ta hen!

Tuimui khua pan ahi Pa Lian Pau in Zomi a it aveina leh Pasian azahtaakna in ZRC zum ading September 29, 2015 (Tuesday) ni in RM 50 hongpia khia ahihman ZRC pan ki lungdam mahmah hi. Ih biak Pasian in Pa Lian Pau leh a innkuan pihte tung ah thupha tampi hong piaksak ta hen!

Sezang khua pan ahi Nu Mang Lam Cing in zong Zomi a it aveina leh Pasian azahtaakna mah hang in ZRC zum ading September 28, 2015 (Monday) ni in RM 50 hong pia khia ahihman in lungdam tak in ki sang hi. Hong pia khia ahi Nu Mang Lam Cing leh a innkuan pihte tung ah ih biak Pasian in thupha tampi hong piaksak ta hen!

Zomi it leh vei aa, ZRC tawh mapang khawm nuam peuh akua mapeuh ZRC pan in lungdam tak in ki sang den hi.

  1. KFC Ah Numei 2 Kideih
  2. Anteh Singah Packing Ding Mimal 3 Kideih
  3. Ansai Ah Pasal 3 Kideih

KFC-KL sungteng alunglut ih om leh ZRC zum ah min sayin ki pia khol theita hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
Download-ZRC Awging Lom 4, Hawm 09.PDF
at
Labels: , , , , , ,