ZRC Awging Lom 3, Hawm 87 (04-May-2015)

Tukal Thulu Te Tomlakna (na etnop pen meek ziau le cin)
  1. ZOMI IC A (3) VEI NA Naih Mahmah Ta
  2. UNHCR Card Atawi Nailo Te Tung Zasakna
  3. Gamteel RST VAi Zaksakna
  4. Innkuan Lutpih Tawh Kisai Zaksakna
  5. UNHCR Zumpi Pan UNHCR Card Ki Laaksak Kik
  6. Thong Pan Hong Pai Khia Te Tung Zaksakna
  7. !!!Kizepna Tawh Kisai Hilhna!!!
  8. Zatui Hoih Mahmah Om Hi
  9. Zopuan Zo Niik Lei Ding Om Hi
  10. !!Nasep!! Nasep!! Nasep!!


Ih ngak lah mahmah ahi Zomi International Concert a (3) veina June 12, 2015 (Friday) ni sun 11:00am in Chinwoo Stadium ah ki bawl ding hi. Sanggam aw ticket (letmat) na lei nai hiam? Letmat (Ticket) mun tuamtuam ah ki ngah theita hi. Ticket alei masate bek in puan khat free in ngah ding hi. Ticket ah zong luckly draw omlai hi.

Lasa Ding: Khuppi, Theinkhai, Muanpi, TL Zamnu & Cing Lian Moong

Music: Munglay (Keyboard), Gin (Lead), Lialian (Drum) & Khaisian (Bass).

Ani       : June 12, 2015 (Friday) Ahun    : 11:00am-6:00pm
Amun   : Chinwoo Stadium               Jln Stadium 50150 KL.
Lutman: Ticket 1 : RM 35
Alei masa a hampha Free T-Shirt (T&C Apply).
Luckly Draw zong om ding hi.
Ticket ki ngah theihna mun te
Sri Kuching Veng       : 011-271 87622
KL Khua Sung            : Tauzalat Ansai   
ZRC Zum                   : 039-224 7283 /012-7763014
Maluri Veng                : 012-7763014 /014-923 1043
Sunway Veng             : 016-996 0503
Pandan Jaya & Pandan Indah  Veng   : 018-664 8235
Kota Damansara         : 014-922 5395
Rawang                       : 010-364 3091
Pudu Veng                  : 018-263 5184
Imbi (Timesquare)       : 011-213 86478
Hangtuah Veng           : 018-263 5184

!!!Zomi Gambeel Akua Mapeuh Tung Zaksakna!!!   ↑


UNHCR card/lai dal atawi nailo akua mapeuh in ahih theih lai teng na nasep na mun pan in a thu omlo pi in na mawk khawl loh ding uh kong deihsak uh hi. Bang hang hiam ih cih ciang in UNHCR card neilo te nasep ngah kik nang hamsa mahmah ta ding hi.

Vaksuk vak toh zong sum haulua ih hih kei leh vakvak loh ding thupi ding hi. Adiakdiak in khasum san hun kha ki pat cil ni 5-20 kikal sung bang vak kei leng hoih pen hi. Palik, CID uniform silhlo thu neite om theihna mun diak teng: Pudu LRT meileng station, Maluri LRT Station, Hangtuah LRT station, KL khua sung teng ahihman in ki dawm ciat ni.

August 17, 2010-December 31, 2012 kikal ah UNHCR card angah teng gamteel (RST) interview hong kisap theihna ding in Zomi Refugee Committee (ZRC) zum ah a manlang thei pen in nongpai nang thu hoih kong zasak uh hi. UNHCR No. 354- tawh aki pan te hi hamtang ding hi. Zakaai kha leh cin hoihlo ding ahihman in na vai nang ma'n na kin ding kisam hi.

Tu kum 2015 kum aa ki pan in UNHCR zum ah innkuan a lut pih thei khin peuhpeuh in UNHCR card a ngah nunung penpen ii serial numbat tawh pai ta ding ahihman in innkuan lutpihte ading in vai kai tuam mahmah ding hi. UNHCR card ngahlai in Innkuan sung ah guangsa hi na pi’n alut pih thei nailo te’n UNHCR zum ah reportna na neih nai kei leh ZRC zum pan zong hong ki report sak thei ding hi. Thu neite lakna ding in Innkuan lai anei nailo ih om leh zong ZRC zum ah nong pai aa nong bawl ding hoih pen hi. UN vai ah Zi/pasal thak anei UNHCR card nei nailo alutpih nuam Zomi akua mapeuh na tangthu (case) uh limtak ki gin ding kong theisak uh hi. Tel beh nop ih neih leh ZRC zum ah zong ki dong thei hi.

Tulai thu thang ahi UNHCR zumpi ah UNHCR card tet tan bei (expired) ahihman in a hin kik sak ding in ava pai uh ciang in pawl khat te ki pia kik nawnlo in laaksak suak hi. Bang hang in UNHCR zumpi in UNHCR card apiak sate pawl khat laaksak kik hiam? ih cih ciang in a UNHCR card uh abei sawt na pi’n UNHCR zum ah ahin kik theihna ding in pai pahlo aa thu nei (officer) te’n thu a dot ciang in hoih tak dawng theilo te ahi zong a min mang ngilh cihte pawl hi hamtang zaw hi. Tualo in UNHCR zumpi pan thu omlo in hong mawk laaksak kik ngiatlo hi. Bang thu bangla ahi zong ih Zomi pih sung ah UNHCR zum pan na UNHCR card hong laak sak kik ahih zenzen leh ZRC zum ah nong zaksak hamtang ding in kong zasak hi. Athei kha ih om leh zong ZRC zum ah nong zaksak ding kisam hi. ZRC in ahoih pen ding leh a lem thei pen ding in hong ki pan pih ding hi.

Nung deuh in Bukit Jalil thong pan UNHCR te ii huhna hang in hong suakta om na pi’n UNHCR card/laidal/appointment a ngahlo tampi tak ki za hi. Ei Zomi sung ah pan tua dan a tuak zong om aa ZRC zum ah min sayin hong ki puak hi. Min sayin hong ki puak nailo akua mapeuh in ZRC zum ah May 14, 2015 (Thursday) ni a nunung pen in nongzaksak ding zong kong theisak pah uh hi.

ZRC Awging Lom 3, Hawm 85 A Zom>>>>>>>>>>
Kizepna Ah Zuih Ding Thu
Pasian’ mai ah ih mite kidawma nung leh ma khual a a gamtat ding uh ka thum hi. Cidamna tawh a kituah lai teng kizepna ngeinate zui un. Ih sanggam numeite in mi tampite’ hih mah bangin a kician, a hoih a to, tu hun tawh kituak ding puante silh hen. Ih sanggam numeite in amau tawh kilawm khom bek puante silh uh hen. Pasian zahtakna tawh a etlawm puante a silh ding uh a hihi. Na sung lam uh Pasian’ hehpihna tawh kizem a hihna leitung mite’ mai ah lak un.

Leitung mite in a kilawm, a silh nuam, cidam huai puante, Lai siangtho tawh kituak hong bawl uh leh tua bang puante ih silhna in Pasian tawh ih kizopna, leitung mite tawh ih kizopna hong kikhel saklo ding hi. Khristiante in Khris nung zui-in Pasian thu tawh kituakin kizem ding hi. A uang luate pelh ding hi. Mi’n a phat uha a gen sia uh zongin, ki niam khiatin lam taung a zuih ding uh leh phat tuamna a pia thumaan a let tinten ding uh ahi hi.

A hai huai kizepna ngeina khempeuh zuih ding hanciamna tawh nah un beisak ke’n. Hi linlianin kilawm takin silh inla, uanglua ahih kei leh plohteh huai nemnum lua hong kicihna zah ding ciangin kizem kei in. Vantung in hong en gige-a, Pasian’ awina banga nungta maw nungta lo cihna theihna bangin gamta in. Child Guidance laimai 413-415. Zoplai ding<<<<<<<

Gauh natna, zunkhum, sikhum, sikhangte ading in zatui hoih mahmah om hi. A lunggulh te in 017-610 0389 tung ah ki lei ki dong thei hi.

Zo puan, Zo niik hoih nono adeih na om uh leh ZRC zum pan ki ngah thei cih thu hoih kong zasak uh hi. Zo puan naan zong ki ngah thei hi cih thu hoih kong puak uh hi.

  1. Card Tuamtuam Bawlna Ah Pasal 1 Kideih
    2. Amun    : Subang Jaya
    Ahun    : Nai 12 sung
    Khasum    : RM 1200
    Omna/An    : Pialo
    Kisap    : PS/AI
  2. Kongkhak Tuamtuam Bawlna Ah Pasal 6 Kideih
    3. Amun    : Subang Jaya
    Ahun    : Nai 9 sung
    Khasum Basic    : RM 900
    OT    : Om
  3. Zum Nasem Numei 1 Kideih
    4. Amun    : Subang Jaya
    Khasum    : Ki holim ding
    Nasep hun    : Nai 9 sung
  4. Auto Cad Asiam Mi 1 Kideih
    5. Amun    : Subang Jaya
    Khasum    : Ki holim ding

Nasep dang tuamtuam zong Thursday ni sim in ZRC zum ah zingsang 11:00am in interview thei den hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
at
Labels: , , ,