ZRC Awging Lom 3, Hawm 93 (21-Jun-2015)

Tukaal Thulu Te Tomlakna (na etnop pen meek ziau le cin)
  1. RSC Zumpi Pan Sunway Lam Hawh Ding
  2. UNHCR Ah Alian Pen Pa Richard Towle Leh Kipawlna Makaite Holimna Kinei
  3. Zomi IC Committee Pan Lungdam Kohna
  4. Ki Gensiat Ahoih Lohna
  5. AIDS Natna Nei Te Huhna Ki Ngetsak Ding
  6. Dahpihna
  7. !!!Nasep!! Nasep!! Nasep!!!

RSC (Resettlement Support Centre) Zumpi pan ulian (officer) te June 30, 2015 (Tuesday) ni zingsang nai 9:00am in hong hawh ding cih thu hoih mahmah kong zasak uh hi. Gamteel (RST) phyi khin Zomi akua mapeuh pai kim ciat ding kong deihsak uh hi. RSC (OPE) hong ki sam thei mahmah nailo aci te ahi zong, RSC pan Innkuan lutpih te/lutpih nuamte, min ki bang (fraud case) hang aa awk cip te, P3 vai ah aki hel kha te, USA ah sangamte om in aki samsak nuamte akua mapeuh pai kim ciat ding thupi mahmah hi. Thu dotna a nei nuam akua mapeuh in hun lap kim ciat ni. Zakai kha leh cin kua mah ding sumh tuanlo aa, a sumh nang mahmah hi cih ki phawk ni.

Ani : June 30, 2015 (Tuesday)
Ahun : 9:00am
Amun: Myanmar Believer Fellowship (MBF)
B-2-5, Block B No. 1 PJS 8/15 Dataran Mentari
46150 Petaling Jaya.
(vanzuakna 99 store gei)
(Murni ansai mai)
Contact Person: Sya Thangbawk : 016-334 7900
ZRC : 012-622 2986

June 18, 2015 (Thursday) ni zingsang nai 9:00am in UNHCR-CDU (Community Development Unit) te ii makaihna tawh UNHCR zumpi sung ah Riched Towle (UNHCR Representative) tawh holimna ki nei hi.

Kimat ki henna tawh kisai in, Malaysia ah om gambeel mi lam pan mawhna ahi zong kumpi thu khunte tawh aki awkte UNHCR lampan hong huhlo ding cih thu hong gen hi. UNHCR card nei pipi palik/pute in sum hong laak sak ahi zong hong beng cih te a om leh UNHCR zum ah na gen tangtang ding uh deih hi. Na gen ciang in zong aki sam dingte na theih tantan na kan ding ki sam hi. (GTN: Palik min, ahun, amun, ani, mi bang zah cihte aa ki pan theih ding ki sam hi).

Gambeel mite hoihtak nasep theihna ding in UNHCR lam pan hong ki ngetsak lai tak hi cih zong hong gen hi. Ahi zong in kumpi thu neite lam pan Malaysia ah gambeel mi nasem thei ding mi 25000 pan atung siah ki om cih thei na pi’n gamdang pan na sem ding mi tampi tak la beh lai ding cih thu zong ki za hi. Nasep nei mihau te in bel gambeel mite nasem ding in hong deih uh hi. Bang hang hiam ci leh ci tak leh kuh kal sa zaw uh hi. Tua ahihman in bang hun ciang ki ngah ding cih pen hong gen thei lianlo hi.

Kum cing nailo te zong sang kah ding in han thawn pan pih ciat ding hong vai khak hi. Sum leh pai hamsatna man in UNHCR pan huhna aki ngah nawnlo phial ding hi aa, UNHCR card nei khin sa te in Tune Insurance ah member lut kim ciat ding hong han thawn hi.

Abei sa ahi June 12, 2015 (Friday) ni sun 12:00pm in ih biak Pasian ii hehpihna leh Zomi te ii panpihna tawh Zomi International Concert a (3) vei na nop ci tak in kizo thei ahihman in ih biak Pasian tung leh hongpai hong uap hong huh hong pan pih akua mapeuh tung ah Zomi IC Committee pan lungdam kong ko uh hi.

Adiakdiak in Zomi IC founder lah hi sponsor lah hi Sya Philip Mawngpi tung ah ki lungdam mahmah hi. Zomi IC letmat (ticket) leina tawh tha hong pia Zomi khangno, upa, te tung ah zong ki lungdam phadiak hi.

Ticket hong zuaksak ahi Pawlpi pan ahi zong mimal pan ahi zong ki lungdam mahmah hi. Zomi IC a (3) veina sung ah la hong sak saak ahi Theinkhai, Khuppi, Muanpi, TL Zamnu, Kying Lian Moong, Lengtong Pauno(Zogam Labupi), Ki Thang, Siancin, Sum Muan te tung ah ki lungdam mahmah hi. Music hong tum sak ahi Munglay, Gin, Khaisian leh Lialian tung ah zong ki lungdam mahmah hi. Model hong sepsak, paak hong zuaksakte, security hong sepsakte, maan (photography) hong laak sakte, Zomi IC a (3) vei na ah hong uap a zah taak huai pawlpi Upa, syate, leh Zomi IC sung ah aki hel kha Zomi akua mapeuh tung ah ki lungdam mahmah hi. Zomite khat le khat ki-it in ih ki huh diamdiam aa, ki cin lohna te ih ki tel siam tek ciang Zomi IC A (3) Vei Na nop ci tak in aki zo lam ka phawk thakthak mai uh hi. Lungdam mahmah!

Khristiante a kampau uh a kidop ding ahi hi. A diakdiak in lawmta nih ki lemlo ahih lam a theih leh khat’ thugen pen khat kiang ah a puak ding mahmah uh hilo hi. Mi khat’ thu tampi a thei bang keek in, a theilo mi dang khat kiang ah na va hem gengen pen git loh vai ahi hi. Ahi bang lian a siang tak a genna siang in tua banga hem genna pen ki behlaplap in a sia zawin piang thei hi. Tuate’ hangin Khris’ pawlpi in athuak khak loh natna bang om hiam! Pawlpi mite a kidop lohna a kamleepna uh hang in tui bang in pawlpi thanem hi. Tua bang mite in a sia dinga a ngaihsut ahi kei zong in pawlpi mite khat leh khat kimuanna bei sak hi. Kampau kidop theih lohna hang in siatna tampi piang hi.

Aho limna uh kha lam thu Pasian’ thu hi leh hoih ding hi napi-in, tua hilo mawk hi. Khristian lawmte tawh ki kholhna in pen lungsim puah phatna ding bek-in kizang leh a nung ciang in kisikna omlo-in, lungdam takin phawk kik thei ding uh hi. Ahi zong in tua hunte thu bantang teng genna, midangte’ omzia a sia lam bek suutna hun a na zat uh leh tua na ki kholhna uh siatna phungpi hong suak-in, na huzap pen sihna han gim nam ding hi. Testimonies for the Church bu 2na laimai 186, 187

Mi Khempeuh Ahoih-in Seh In
Ih sanggam khat a ki gen siatna ih ngaih ciang-in, tua gensiatna e’n zong ih pua sawn hi. “Topa aw, Na biakbuk sungah kua om dinga, Na mual siangtho ah kua teeng ding hiam? cih dotna pen la phuakpa in, “Tang tak a lam a pai, a dik-a a gamta, a lung sung-ah thumaan a gente. A kam tawh mi a pet kiklo, a vengte’ tunga siatna a bawllo, avengte a gen sialo te,” ci-in dawng hi. Late 15:1-3.

Midangte’ khialhnate ama tung-ah a gente in, hun hoih a ngah nak leh ama khialhna zong gen ding a hih lam mi khempeuh in thei le-uh ki gen siatna hong pha tuam ding hi. A tuam khata ngaihsut hamtang dinga hong om mateng, mi khempeuh, a diakdiakin ih sang-gamte a hoiha ih ngaihsutna ding-in ih hanciam ding ahi hi. Gensiatna ih up pahpah ding hilo hi. Ki-enna leh ki theih khialhna hang khawng hi thei-a, thu uang genna pan hiam, a thu a kicinga zak lohna pan hiama piang zong hi thei hi. Kihazatna leh ki muan mawhna khat vei om phot leh, tua in sanah bang-in mun khempeuh hong zeel ding hi. Sanggam khat lam a pial tuak leh tua in amah na kinna na lah ding hun ahi hi. Amah kiang ah pai inla, amah a tatna dinga Khris in a piak khiat zah phawkin, ama a ding amah tawh thu ngen in. Tua bangin sihna pan kha khat na hon khia thei dinga, mawhna tampi na liah thei ding hi.

Mitheek, kampeu, awsuah na ngawn a sia tawh a kihel leh mi khat peuh lung sung-ah thal tang bang-in tum-in a kidam sak theilo liamna piang sak thei hi. Tua bang-in na hoih khat a sem khia dinga Pasian in a deih mi khat tung-ah up khialhna muan lahnate a ki neih ciang-in ama huzap hong mawl-in, ama kiman theihna hong kisia hi. Ganhing kim khatte liama a tuuk ciangin, a dang teng in bawh huan in bal zan mang uh hi. Khristian min a pua numei leh pasal te in zong tua bang lungsim sia mah nei thei uh hi. Amau’ sanga mawhna a tam zaw mi dangte, Pharisaite bang-in suang tawh deng nuam uh hi. Amau’ mawhna leh khialhnate a seelna ding leh, Pasian leh pawlpi’a ding deihsaklua a kicih ding deihna-in mi dangte’ mawhna leh khialh-nate a kawkkawk nuam mi pawl khat om hi. Testimonies for the Church bu 5na laimai 58,59. Zoplai ding<<<<<<

AIDS natna nei aa, na sem zolo leh a huh, a khoi ding leh a pan pih ding a om ngiatlo te ZRC zum ah nong zaksakna ding kong theisak uh hi. ZRC pan ahi thei bang in huhna hong ki ngetsak ding hi.

Khuadam khua pan ahi Pu Kam Cin Suan leh Pi Khawl Khan Cing ii tapa Malaysia ah om Pa Thang Khan Lal (kum 42) in June 6, 2015 (Saturday) ni in hong nusia hi. CDK member ahihman in CDK palai pawl te ii vai hawm siamna tawh June 10, 2015 (Wednesday) ni in Rawang Christian han ah ki vui hi. A omlai a innkuan pihte tawh aki bang in ZRC pan ki dahpih hi cih thu kong zasak uh hi.

  1. Setzong ah Numei 4 Kideih
    2. Nitha    : RM 55
    Ahun    :  8:00am-8:00pm
    Off Day     :  Sunday
  2. Mi Cina Kem Ding Ah Mi 5 Kideih
    3. Amun    :  KL khua sung leh Penang
    Ahun    :  Nai 9 sung
    Khasum     :  RM 1,200 + OT
    Omna/Lamsap     :  Pia
    Kisap     :  Mikangpau/Malaypau/UNHCR Card(ahk)laidal
  3. Paak Huan Ah Mimal 5 Kideih
    4. Amun     :  Cameron Highlands
    Ahun     :  Nai 8 sung
    Khasum     :  RM 1100 + OT om
    Offday     :  Omlo
    Omna/Lamsap     :  Pia
  4. Lo Ah Nasem ding Mi 10 Kideih
    5. Amun     :  Pahang
    Ahun     :  Nai 8 sung
    Khasum     :  RM 900 + OT om
    Omna/Lamsap     :  Pia
    Kisap     :  UNHCR Card(ahk)Laidal

Atung aa kigelh nasep te banah nasep dang tuamtuam na lugnlut leh Thursday ni sim in ZRC zumah zingsang 11:00am in interview om den hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
at
Labels: , , , ,