ZRC Awging Lom 4, Hawm 10 (12-Oct-2015)

Tukaal Thulu Te Tomlakna (na etnop pen meek ziau le cin)
  1. !!!MEMSA Pan In Micina Kepdan Khoi Dan (Health Care Providers Training) Om ding!!!
  2. A Theikha Ih Om Hiam?
  3. ZOMI CHRISTIAN MINISTERS COUNCIL OF MALAYSIA (ZCMC) Kiteelna Lawh Cing
  4. ZRC Zum Ah Niik Leh Puan 2015 Latest Design Tuamtuam Hong Tungta
  5. Kal Khat Sung Lungdam Kohna
  6. Tukal Sung Dahpihna
  7. !!! Nasep !!!Nasep !!!Nasep !!!

MEMSA Sang pen sang hoih mahmah khat hi aa, Cidamna lam tawh kisai kep dan khoi dan sinna ahi hi. Certificate (Laidal pi) zong hong kipia ding hi. Tua sang pan a ong peuhpeuh in US (America), Canada, United Kingdom ah khat peuhpeuh na tun ciang in zong cina kep tawh kisai in nasep hoih ki ngah thei ding aa, khasum zong hoih hi.

MEMSA Sang Akah Nuam Akua mapeuh ii theih ding:
  1. MEMSA sang pen Level in ki khen aa... Level 1 in Kha 6 sung sang kah kha ding hi. Level 1 zawh sial in certificate ki pia ding hi.
  2. Sang kah man Level 1 pen kha 6 sung hi aa, RM 500 hi ding hi. An leh Omna pia sa ahi hi.
  3. Akah nuam peuh mah in December 30, 20105 a nunung pen in ZRC zum ah min sayin pia aa Form nong fill up na ding ki sam hi.
  4. Sang kahna ding mun pen MEMSA Training Center, Bukit Beruntung ah hi ding hi.
  5. A tel beh nuam ih om leh ZRC zum ah nong kanna ding kong zasak uh hi.

Saizang khua pan hi aa, Kawlpi (Kalay) ah a teng Pau Deih Tung pen tulai tak in Damansara Thong ah om hi. A theikha ih om leh ZRC zum ah nong kanna ding kong zasak uh hi.

September 28, 2015 (Monday) ni in MBF (Myanmar Believers Fellowship) biakinn ki zang in ZCMC (Zomi Christian Ministers Council) kum cin ki teelna hoih takin kizo thei hi. September 2015-September 2016 kikal sung pan mun len ding teng a nuai aa bang ahi hi.

  1. President : Rev. Dr. Nang Lian Khual
  2. Vice President : Rev. Thawng Ngaih Khup
  3. Secretary : Rev. Dai Sim Mang
  4. Asist Secretary : Thawng Khan Sut
  5. Co-ordinators : Evan-Daniel Vum Khan Mung & Pastor Elijah Zam Sang
  6. Treasurer : Rev. Ngin Khat Thang
  7. Accountant : Rev. Pau Sian Mung
  8. Literature Committee: Rev. Suan Cin Hau
    : Rev. Thang Do Khen
    : Sia Khoi Sian Langh
  9. Editor and Chief : Rev. Dr. Cin Sian Pau
  10. Advisor : Rev. Zam Suan Kham

ZRC zum ah Zoniik, leh adangdang Niik leh Zaa puan, kawlgam kawl lukhu hoih nono 2015 latest design hong tungta hi. Alei masa ahampha hi ding hi. Niik leh puan alei nuam peuh mah in aman lang thei pen in nong pai na ding un thu hoih kong puak uh hi. Taman Sri Kuching ah zong om hi. Niik leh puan tawh kisai ki zopna ding Syamah Dimboih 011-271 87622

Kawlgam Tuikhang Vai Tawh Kisai In Diamex Setzong Ah Om Zomi Nasemte Leh Namdang Nasemte’n Sum leh Paai Tawh Avekpi Gawm RM 1235 Hong Pia Khia Uh Hi.

October 8, 2015 (Thursday) ni in Lamzang khua pan ahi Pa Thang Sian Dong in Zomi a it, avei na tawh kizui in ZRC zum ading in RM 40 hong pia khia ahihman in ZRC in lungdam mahmah hi. hongpia khia Pa Thang Sian Dong leh a innkuanpih tungah Pasian thupha hong piak sak ta hen!

Zomi it leh vei aa, sum leh paai tawh ahi zong ZRC tawh mapang khawm nuam akua mapeuh ZRC pan in lungdam tak in ki sang den hi.

Tonzang myo, Rev. Go Khaw Thang leh Nu Cing Suan Lian te ii tapa neu pen ahi Tg. Pau Kim Tuang (Mete beh) in October 4, 2015 (Sunday) nitaak nai 5:00pm pawl in ihmu suak in anuntaakna leitung pan hong nusia ahihman in ZRC pan in a dah a kap a innkuan pihte tawh aki bang in dah mahmah ung cih thu kong pulaak uh hi. CDK (Ciimnuai Donghuu Kipawlna) ah member na lut ahihman in CDK palai pawl in October 5, 2015 (Monday) ni in hanvai tawh kisai sum leh paai a bei khempeuh hong siksak hi.

Tuilangh khua pan ahi Pu Kai Khan Gin ii tapa Pa Paul Gin Suan Lian in October 7, 2015 (Wednesday) ni in lupna pan in leitung hong nusia suak ahihman in ZRC pan zong a omlai a innkuanpihte tawh aki bang in ki dah khawm hi cih thu kong pulaak uh hi.
  1. KFC Ah Numei 2 leh Pasal 1Kideih
  2. BBQ ah Nasem Ding Mi 15 Kideih
  3. Food Court Sung Ah Pasal 4 Kideih
  4. Cleaner Ding Pasal 2 Kideih
  5. Computer Tawh Kisai Pasal 2 Kideih
  6. Van Gual Ding Numei 2 Kideih
  7. Store Ah Pasal 1 Kideih
  8. Vasa Mul Botna Ah Numei 2 Kideih
  9. Ansai Ah Pasal 3 Kideih


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
Download-ZRC Awging Lom 4, Hawm 10.PDF
at
Labels: , , , , , , ,