ZRC Awging Lom 3, Hawm 94 (28-Jun-2015)

Tukaal Thulu Te Tomlakna (na etnop pen meek ziau le cin)
  1. RSC Zumpi Pan Sunway Lam Hawh Ding
  2. ZRC Kum Cin Ki Teelna Hong Tung Kik Ding Hi Ta
  3. Hong Kan Pih Un!
  4. UN tawh Kisai Thu Tuamtuam
  5. Embassy Tawh Kisai Thu Tuamtuam
  6. Ki Gensiat Ahoih Lohna
  7. !!!Nasep!! Nasep!! Nasep!!!

RSC (Resettlement Support Centre) Zumpi pan ulian (officer) te June 30, 2015 (Tuesday) ni zingsang nai 9:00am in hong hawh ding cih thu hoih mahmah kong zasak uh hi. Gamteel (RST) phyi khin Zomi akua mapeuh pai kim ciat ding kong deihsak uh hi. RSC (OPE) hong ki sam thei mahmah nailo aci te ahi zong, RSC pan Innkuan lutpih te/lutpih nuamte, min ki bang (fraud case) hang aa awk cip te, P3 vai ah aki hel kha te, USA ah sangamte om in aki samsak nuamte akua mapeuh pai kim ciat ding thupi mahmah hi. Thu dotna a nei nuam akua mapeuh in hun lap kim ciat ni. Zakai kha leh cin kua mah ding sumh tuanlo aa, a sumh nang mahmah hi cih ki phawk ni.

Ani : June 30, 2015 (Tuesday)
Ahun : 9:00am
Amun: Myanmar Believer Fellowship (MBF)
B-2-5, Block B No. 1 PJS 8/15 Dataran Mentari
46150 Petaling Jaya.
(vanzuakna 99 store gei)
(Murni ansai mai)
Contact Person: Sya Thangbawk : 016-334 7900
ZRC : 012-622 2986

A sawtlo in Zomi zum ahi Zomi Refugee Committee (ZRC) kum cin ki teelna July 16, 2015 (Thursday) ki nei kik ta ding ahihman in Zomi a it a vei, sum leh paai lam enlo in itna veina tawh aki pia khia nuam a sem nuam, Zomite hamphat na ding ahi zong, khan tohna ding aa asem nuam Zomi sung pan akua mapeuh ZRC zum ah nong zasak na ding ih gam leh ih nam ading in veina tak tawh kong zawn uh hi.

Tai Ngeen Khua pan ahi Niang Lun Nuam (791-09C05920) leh a innkuan pihte athei kha a mu kha ih om leh ZRC zum ah a man lang thei pen in nong zaksak ahi zong nong pai pih na ding huhna kong ngen uh hi. UNHCR zumpi lam pan hong ki kan sak hi.

Min: Niang Lun Nuam
UNHCR No. : 791-09C05920
Khua: Tai Ngeen
Amu athei ih om leh ZRC: 018-263 5184 tung ah hong zasak un.

UNHCR card ngahsa te UNHCR zumpi pan hong kisam ciang in ih tangthu (case) te lim tak ki gin huai mahmah hi. Mi khem tam tua ahihman in ni dang sang in hoih tak hong tel dot zaw uh hi. Dot dan dawng dan ding atheilo ih om leh zong ZRC zum ah ki dong thei aa huhna ki ngen thei hi. UN ah interview khin vai lem loh ciang ZRC zum hong tung pan te pen ki huh theih taktakna hamsa hi.

UNHCR card atawi te deih loh pen in hong ki mat zenzen leh na card tung ah na min, na card numbat leh na suah kum, ni leh kha te hoih tak na gen theih ding ki sam hi. UNHCR card atawi nailo kipawlna card bek atawi te deihloh pen in hong ki mat zenzen aa thong na tun leh UNHCR pan hong tan ding hamsa mahmah aa, thong sung ah kum bang zah om ding cih ki gen theilo ahihman in kawlgam ciah zawk ding hoih zaw hi. Kawlgam pan vai tuamtuam hang in nong pai kik nop leh lem zaw ding hi.

United States of America (USA) atung khinsa apasal, azi, innkuan pihte leh asanggamte in 93 Visa tawh asap nop uh leh ki sam thei hi. Asam nuam te in zong ahihna uh limtak lak zawh ding ki sam hi. Tulai tak in suahna lai (Birth certificate) min leh ih gen ki tuaklo cihte aa ki pan om niknuk ahihman in 93 visa interview na ah hong ki lim dot zaw ta aa, vai kai tuam zaw deuh ta hi. Interview tawh kisai in Embassy in pan mun hong lak sak ding aa, interview khit ciang in interview a on leh sisit ngak ding hi ziau hi.

P3 tawh asam nuamte ading in US atun zawh kum 5 a cin maa sung in sap theih hi bek hi. DNA hong ki sit hamtang ding hi. DNA sitna ah adik leh DNA sitna tawh kisai in sum bei khempeuh hongpia kik ding uh hi. Interview tawh kisai in IRC (RSC) pan pan mun hong la ding uh hi. Navai khempeuh RSC tung tawn ding hi.

Ki Gensiat Ahoih Lohna   ⇑  ZRC Awging Lom 3, Hawm 93 Azom<<<<<<<
Mi Khempeuh Ahoih-in Seh In
Khris’ nasemte’ lungsim leh gamtatnate gensiatna-a a kizang hunte thungetna hun in kizang leh hoih zaw ding hi. Mi’ mawhna a mute in tua mi tawh kisai thu tel taktak hi leh a muhna hong kilamdang ding hi. Mi dangte gensia-a ih mawh sak sangin, a kuamah peuh in “Keima suahtakna ding ka sep khiat kul hi. Ka kha a hon khia nuam pa tawh mapang khawm ka hih leh kei mahmah lim tak a ka ki-et kul hi. Khris’ sungah mi thak khat ka suak ding hi. Khialhna khempeuh bawllo-a ka om zawh kul hi. Siatna tawh a kilailai mite ka thanem sak sangin, thapiakna kam tawh amaute kha ka pia ding hi,” ci thei ciat le’ng bang zahin hoih zaw ding hiam! Testimonies for the Church bu 8na laimai 83,84

Mi Hazate In Mi’ Hoihna Mulo
Ih lungkhamnate leh ih lungkiatnate ih lung sungah giak saka, hehna leh lungtomna a piang sak dinga ih phal ding hilo hi. Pasian’ tungah ih khialh khak loh-na dingin kitotna, ngaihsut sia leh kampau sia om sak kei un. Sanggam aw, na lung sungah hazatna leh git loh-na na lut sak leh Kha siangtho nang tawh hong om theilo ding hi. Khris’ sunga a om kicinna zong in. Ama panna ah na sem in. Ngiahsutna, kampauna leh gamtat-na khempeuh ah Amah kilang sak in. Sawltakte’ hun lai-a amaute pum khat a suak sak ki-itna tawh nisim tuiphumna na kisam hi. Tua ki-itna in pumpi, lungsim leh kha hong cidam sak ding hi. Kha lam nuntakna hong hat diak ding thute tawh na kha uum in. Upna lametna, hanna leh ki-itna khoi in. Na lung sungah Pasian’ lungnopna giak sak in. Testimonies for the Church bu 8na laimai191.

Hazatna in lungsim sia sak bek lo-in, siamna khempeuh a susia lungsim natna ahi hi. Satan in hong pan hi. Vantung ah a khatna utin, vangliatna khempeuh ngah zolo ahihman in, Pasian’ ukna hong do hi. Ih nu ih pa masate haza-in mawhna a bawl dingin khem a, tua bangin amaute leh mihing khempeuh siatna hong tun hi.

Hazatna lungsim neite in mi dangte’ hoihnate mu nuamlo uh hi. A hoih mahmah pipi gensia-in a hoihlo lamin ki lang sak tawntung hi. Mite in khialhna dangte pulaakin a nusiat theih zel uh hangin hazatna a neite tung panin lamet ding tawm mahmah hi. Mi khat ih hazatna in ei’ sangin amah lian zaw hi cihna hi-a, kiphatsakna in pulaakna bang mah bawl saklo ding hi. Hazatna a neite a mawhna a kilah ciangin, ama lungsim hong khauh semsemin, gen pih theih nawn loh in om thei hi.

Hazatna a neite in a paina peuh gu sawh kawikawi aa, lawmta kikhen sakin, Pasian leh mihing kikal ah kimuhdahna leh kidona piang sak hi. Amah a hoih bel a suahna dingin ama dihna nialin hang takin hanciam na neilo pi-in, ama om mun mah ah omin, mi dangte ina hanciamna uh tawh a ngah minphatnate a gensiat-na tawh amah a lian bel leh a hoih bel a kicihna ding in hanciam hi.
Zop lai ding<<<<<<<<<<<<<<<<<<

Tukal sung in Zomite a it avei na uh tawh ZRC zum ading in Tedim pan ahi Tg. Do Deih Tung in RM 50 hong pia khia ahihman in ZRC zum pan in Zomite ai awh in Lungdamna ih ko hi. Tua bek thamlo hongpia khia mimal kim tungah ih biak Pasian in a zah tampi in hong thuk kik hen!

  1. Zum Nasem Ding Numei 1 Kideih
    2. Amun    : Subang Jaya
    Ahun    :  8:00am-6:00pm
    Off Day     :  Sunday
    Omna/An     :  Pialo
    Khasum     :  Basic RM 1300
  2. Setzong ah Numei 4 Kideih
    3. Nitha    : RM 55
    Ahun    :  8:00am-8:00pm
    Off Day     :  Sunday
  3. Mi Cina Kem Ding Ah Mi 5 Kideih
    4. Amun    :  KL khua sung leh Penang
    Ahun    :  Nai 9 sung
    Khasum     :  RM 1,200 + OT
    Omna/Lamsap     :  Pia
    Kisap     :  Mikangpau/Malaypau/UNHCR Card(ahk)laidal
  4. Paak Huan Ah Mimal 5 Kideih
    5. Amun     :  Cameron Highlands
    Ahun     :  Nai 8 sung
    Khasum     :  RM 1100 + OT om
    Offday     :  Omlo
    Omna/Lamsap     :  Pia
  5. Lo Ah Nasem ding Mi 10 Kideih
    6. Amun     :  Pahang
    Ahun     :  Nai 8 sung
    Khasum     :  RM 900 + OT om
    Omna/Lamsap     :  Pia
    Kisap     :  UNHCR Card(ahk)Laidal
Atung aa nasepte tawh kisai kizopna ding: 018-263 5184

Atung aa kigelh nasep te banah nasep dang tuamtuam na lunglut leh Thursday ni sim in ZRC zumah zingsang 11:00am in interview om den hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
at
Labels: , , ,