ZRC Awging Lom 3, Hawm 90 (24-May-2015)

Tukal Thulu Te Tomlakna (na etnop pen meek ziau le cin)
  1. UNHCR-CDU Te Ii Makaihna Tawh Kipawlna Makaite Leh UNHCR-OPI Te, Muhkhopna Ki Nei
  2. RSC, DHS Ahihkeh Sisit (IOM) Aphyi Khin Akua Mapeuh Tung Ah Zaksakna
  3. ZOMI IC A (3) VEI NA Naih Mahmah Ta
  4. !!!Kizepna Tawh Kisai Hilhna!!!
  5. !!!Nasep!! Nasep!! Nasep!!!


May 20, 2015 (Wednesday) ni zingsang nai 9:30am in UNHCR-CDU (Community Development Unit) te ii makaihna tawh UNHCR (United Nations High Commissioner for Refugees) zumpi sung ah UNHCR-OPI (Outreach Protection and Intervention) zum nasem te leh kipawlna makai te ki muh khopna ki nei thei hi.

Deih loh pen in UNHCR card ih tawi zenzen hang palik (pute) in sum hong ngen in na piak zenzen leh ani, ahun, amun, mibang zah pha cihte aa ki pan thei leh cin hoih ding hi. UNHCR zum ahi zong ZRC zum ah thu ki puak thei hi. Palikte’n um mawhlo pi’n hong sit zenzen thei aa UNHCR card tawi na hihlam hoih tak dawng siam in. UNHCR card na tawi nai kei leh zong gambeel mi na hih lam hoih tak gen theih sawm inla amau tung ah huhna leh nget kik in.

Thong kia te sung lak ah UNHCR card tawi nai kei mah tase leh innkuan lutpih sung ah aki hel naak leh UNHCR pan hong huh ding uh aa, UNHCR card tawi nailo innkuan lutpih ding sung ah lah aki hello te pen kam ciam bang mah hongpia lo uh hi.

UNHCR card tawi sa te’n Malaysia gamsung ah ei nek khop ding ciang na ki sem thei hi cih thu hong gen khia uh hi. Ahi zong Malaysia gam kumpi lam pan tua thu gen khialo ahihman in palik te’n sum a deihna uh tawh nasep na pan hong man in sum hong ngen thei uh hi. Nasep na pan kha sum ngahlo te tawh kisai in UNHCR-OPI te’n maa pan pihna nei uh aa a ngah kik pih pawl a om hang a ngahpihzawh loh pawl zong om hi. A zenzen in khasum ngahlo te’n UNHCR zum ah huhna ki ngen thei hi.

Malaysia gam sung ah ih om sung in Malaysia gam thukhun tawh aki tuak theithei in ih om ding kisam hi. Gam mi te ii deihloh leh abiakna tawh aki tuaklo ahi zukham nena aa om loh ding leh ei hang in veng leh paam te nawng kai sak loh ding thupi ding hi. Kunya (sadah) ci te zong utut na ah phih ziauziau loh ding thupi ding hi. Ei omna hang in gammi te’n a hamphat lawhna aki tel dong in om dan-khawl dan, kam pau -muk pau ki dawp ding ki sam hi. Sai khawng ih hon aa leh zong gammi te ii sai gei khawng ah hon loh ding ki sam hi. UNHCR card ih tawi zenzen hang palik te’n hong man theilo cihna om tuanlo ahihman in ki phatsak ding hi peuh mahlo hi cih thu kong theisak phapha uh hi.


RSC (OPE), DHS (Lahwahkah) aphyi khin ahi zong Sisit (IOM) khin kum 1 bang sawt ta hi mah ta se leh vai poi neilo na pi’n hong ki sam thei mahmah nailo aci akua mapeuh in ZRC zum ah amanlang theithei in nong pai ding kong zasak uh hi.

Ih ngak lah mahmah ahi Zomi International Concert A (3) Veina show pen Pasian in hong thukim pih leh June 12, 2015 ni in bawl ding in ki khensat hi. ZOMI-IC apan khia Sya Philip Mawngpi ahi hi. Zomi sung ah lasa siam min thang tuamtuam hong pai ding uhhi. Ticket zong ki ngahta ahihman in abei ma in na lei mengmeng in.

Lasa Ding: Khuppi, Theinkhai, Muanpi, TL Zamnu & Cing Lian Moong
Music: Munglay (Keyboard), Gin (Lead), Lialian (Drum) & Khaisian (Bass).

Ani       : June 12, 2015 (Friday)
Ahun    : 11:00am-6:00pm
Amun   : Chinwoo Stadium               Jln Stadium 50150 KL.
Lutman: Ticket 1 : RM 35
Alei masa a hampha Free T-Shirt (T&C Apply).
Luckly Draw zong om ding hi.

Ticket ki ngah theihna mun te
Sri Kuching Veng       : 011-271 87622
KL Khua Sung            : Tauzalat Ansai   
ZRC Zum                   : 039-224 7283 /012-7763014
Maluri Veng                : 012-7763014 /014-923 1043
Sunway Veng             : 016-996 0503
Pandan Jaya &
Pandan Indah  Veng   : 018-664 8235
Kota Damansara         : 014-922 5395
Rawang                       : 010-364 3091
Pudu Veng                  : 018-263 5184
Imbi (Timesquare)       : 011-213 86478
Hangtuah Veng           : 018-263 5184

Awging Lom 3, Hawm 87 A Zom>>>>>>>>>>>
Puan Silh Dan-I Huzap

Puansilh iplahna in gamtat hoih susia-a, kikep siamna leh lungsim hoih a hi Khristian numeite’ zia leh tong tawh kileh bulh hi. Puansilh nikten a uang lua in a silh mite’ lungsung ah lanna piang sak hi. Kizepna ah a uang theithei uukna panin zia leh tong siatna piang pahpah a hih lam Pasian in mu hi. A man tam kizepnate in a pha bawl nopna lungsim neu sak a hih lam Ama’n thei hi. 4T, Laimai 645.

Ka sanggam numeinote in, kineih khemna a om lo Puansilh a kician a baih lamte a silh ding uh ka deih hi. A kilawm puansilh lah gamtatna sangin mi dangte’ tungah na khawvak na taan sakna ding lampi hoih zaw om tuan lo hi. Tawntung nate tawh gentehin, tu lai nuntakna a thupina mi khempeuh kiangah na lak thei ding hi. 3T, Laimai 376.

Thu-um lote’ tungah huzap a neih theihna dingun mi tampi in leitung mite bangin kizem uh hi, a hi zong in tua san tak pen a khialhna uh hi zaw hi. Amaute in a maan hot khiatna huzap a neih nop uh leh, a upna bangun gamta uh hen la, a pha a bawlna uh tawh a up-na uh lak hen la, Khristian leh leitung mi a kilamdanna kidawk sak uh hen. Kampau, puansilh leh gamtatna in Pasian’ a ding thu gen ding hi. Tua ciang in a kiim a pam uha mote’ tungah a siangtho huzap tung dinga Jesu tawh amaute a om khawm a hih lam uh thu-um lote nangawn in zong a maute’ thu hong thei ding uh hi. Kuamah peuh in thumaan tawh mi a thuzawh nop uh leh a kiniamkhiat Honpa etteh in, a upna uh bangin nungta uh hen. 4T, Laimai 633, 634.

Ka nau numeite aw, a sia lam a hih tuak peuhmah pelh un. Hih hun kinawh, siatna gimnam sungah, lim taka na kikep kei uh leh lau huai hi. Gamtat hoih leh kikep siamna tawm mahmah hi. Khris’ thuzuite aw, na upna uh pahtawi-a kikep siamna suang manpha na neih ding uh kong hansuah hi.Tua in vaang hong nei sak bek ding hi.

A baih lam theithei-in kizema, gamtat hoihna tawh a thuah leh, siatna a tula simte panin amah liaha a siangtho-a a om theihna dingin, tua in numei’ kihuutna suak ding hi. CG, laimai 417.

A baih lama kizepna in thu phawk thei numei’a ding in hamphatna lianpi a hihi. Khristiante’ kizepna ding a kilawm bang in kizem in. Pasian a zahtak numeite bangin gamtat hoihna tawh a baih lam leh a kician linlian in kizem in.

Kizep dan tuamtuamte a zuih nop manun mi tampi in, a baih lama kizepnate deih nawn lo-in, bawl tawm kizepna hong paakta hi. A hun uh leh a sum uh, a lungsim hatna uh leh a kha uh, thupina paai khia-in kizepna bekbek tawh nitum uh hi.

Kong it khangnote aw, leitung mite’ ki zepdan ten na zuihna uh, kham leh suang manpha-a kipan a pua lam kizepna tawh na upna uh thumaan leh na biakna uh mi dangte’ kiangah na lutsak zo kei ding uh hi. Lungsim ngaihsun thei mite in na puatham ki zepnate uh panin na lungsim uh thanemna leh ki phatsakna te hong mupah ding uh hi. CG, laimai 421.

Naupang leh khangno khempeuh in kawk bang lo-a a ngah theih ding uh kizepna khat om hi. Tua in misiangtho te’ dik gamtatna a hihi. Leitung mite’ kizepna dan banga a kizep nopna zahun tua kizepna ngah nopna lungsim a neih uh leh Khris’ dikna tawh amaute a sawt lo-in kituam dinga, a min uh nuntakna laibu pan-in kiphiat nawn lo ding hi. Nute, Khangnote leh naupangte in, “Ka sungah lungtang siangtho hong guan in Pasian aw, ka sung lamah lungsim maan a thakin hong guan in,” ci-a thu a nget ding uh kisam hi. Late 51:10. Tua lungtang siangtho leh a deih huai lungsim pen tu leh a tawntunga ding in kham sangin manpha zaw hi. Lungsim siangthote bek in Pasian mu ding uh hi. CG, Laimai 417, 418.<<<<<<<


  1. Mohbawlna Sai Ah Mi 50 Kideih
    2. Amun    : KL Khua sung leh Airport
    Ahun    :  Nai 8 sung
    Khasum     :  RM 900 basic
    Omna/An    :  Pia
    Kisap    :  UNHCR Card nei hi ding
  2. Kongkhak Tuamtuam Bawlna Ah Pasal 4 Kideih
    3. Amun    :  Subang Jaya
    Ahun    :  Nai 9 sung
    OT    :  Om
    Khasum Basic    :  RM 900
  3. Setzong ah Numei 4 Kideih
    4. Nitha     :  RM 55
    Ahun     :  Nai 12 sung
    Off Day     :  Sunday

Atung aa kigelh nasep te banah nasep dang tuamtuam na lugnlut leh Thursday ni sim in ZRC zumah zingsang 11:00am in interview om den hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
at
Labels: , ,