ZRC Awging Lom 3, Hawm 89 (20-May-2015)

Tukal Thulu Te Tomlakna (na etnop pen meek ziau le cin)
  1. ZOMI IC A (3) VEI NA Naih Mahmah Ta
  2. Thong Lam Tawh Kisai Zaksakna
  3. Gamteel RST Vai Zaksakna
  4. REMEDI (Refugee Medical Insurance)
  5. Innkuan Lutpih Tawh Kisak Zaksakna
  6. UNHCR Zumpi Pan UNHCR Card Ki Laaksak Kik
  7. !!!Kizepna Tawh Kisai Hilhna!!!
  8. ZIV, Minam Puan/Niik leh Zatui Hoih Mahmah Om
  9. !!!Nasep!! Nasep!! Nasep!!!


Ih ngak lah mahmah ahi Zomi International Concert A (3) Veina show pen Pasian in hong thukim pih leh June 12, 2015 ni in bawl ding in ki khensat hi. ZOMI-IC apan khia Sya Philip Mawngpi ahi hi. Zomi sung ah lasa siam min thang tuamtuam hong pai ding uhhi. Ticket zong ki ngahta ahihman in abei ma in na lei mengmeng in.

Lasa Ding: Khuppi, Theinkhai, Muanpi, TL Zamnu & Cing Lian Moong
Music: Munglay (Keyboard), Gin (Lead), Lialian (Drum) & Khaisian (Bass).

Ani       : June 12, 2015 (Friday) Ahun    : 11:00am-6:00pm
Amun   : Chinwoo Stadium               Jln Stadium 50150 KL.
Lutman: Ticket 1 : RM 35
Alei masa a hampha Free T-Shirt (T&C Apply).
Luckly Draw zong om ding hi.

Ticket ki ngah theihna mun te
Sri Kuching Veng       : 011-271 87622
KL Khua Sung            : Tauzalat Ansai   
ZRC Zum                   : 039-224 7283 /012-7763014
Maluri Veng                : 012-7763014 /014-923 1043
Sunway Veng             : 016-996 0503
Pandan Jaya &
Pandan Indah  Veng   : 018-664 8235
Kota Damansara         : 014-922 5395
Rawang                       : 010-364 3091
Pudu Veng                  : 018-263 5184
Imbi (Timesquare)       : 011-213 86478
Hangtuah Veng           : 018-263 5184

!!!Zomi Gambeel Akua Mapeuh Tung Zaksakna!!!

Maikaal Wednesday (20-May-2015) ciang in UNHCR zum ah OPI Unit aa thunei ulian te leh gambeel te ki muhkhop na om ding a hihman in thonglam tawh kisai dotnop theihnop ahi a, no tawh a kisai kha thukin velvel a nei te’n ZRC zum (hotline- 012-622 2986 ) ah nong zaksak hamtang na ding un kong theisak uhhi.


August 17, 2010-December 31, 2012 kikal ah UNHCR card angah teng gamteel (RST) interview hong kisap theihna ding in Zomi Refugee Committee (ZRC) zum ah a manlang thei pen in nongpai nang thu hoih kong zasak uh hi. UNHCR No. 354- tawh aki pan te hi hamtang ding hi. Zakaai kha leh cin hoihlo ding ahihman in na vai nang ma'n na kin ding kisam hi.


Insurance a lei nuam te ading in UNHCR zumpi huang sung ah ni sim (Monday-Friday), 9:00am – 4:00pm ki kaal in ki leithei den hi.
Mi khat (Single) – RM 140
Innkuan khat –
RM 161 – Mihing 4 (Nu ahihkeileh Pa, leh kum 18 nuai a pha ta 3)
RM 173 – Mihing 5 (Nu leh Pa, leh kum 18 nuai a pha ta 3)
Azenzen in kum 18 nuai a pha ta helbeh ding a om leh mikhat ciang in RM 20 ta piak beh ding hi.


Tu kum 2015 kum aa ki pan in UNHCR zum ah innkuan a lut pih thei khin peuhpeuh in UNHCR card a ngah nunung penpen ii serial numbat tawh pai ta ding ahihman in innkuan lutpihte ading in vai kai tuam mahmah ding hi. UNHCR card ngahlai in Innkuan sung ah guangsa hi na pi’n alut pih thei nailo te’n UNHCR zum ah reportna na neih nai kei leh ZRC zum pan zong hong ki report sak thei ding hi. Thu neite lakna ding in Innkuan lai anei nailo ih om leh zong ZRC zum ah nong pai aa nong bawl ding hoih pen hi. UN vai ah Zi/pasal thak anei UNHCR card nei nailo alutpih nuam Zomi akua mapeuh na tangthu (case) uh limtak ki gin ding kong theisak uh hi. Tel beh nop a om leh ZRC zum ah zong ki dong thei hi.

Tulai thu thang ahi UNHCR zumpi ah UNHCR card tet tan bei (expired) ahihman in a hin kik sak ding in ava pai uh ciang in pawl khat te ki pia kik nawnlo in laaksak suak hi. Bang hang in UNHCR zumpi in UNHCR card apiak sate pawl khat laaksak kik hiam? ih cih ciang in a UNHCR card uh abei sawt na pi’n UNHCR zum ah ahin kik theihna ding in pai pahlo aa thu nei (officer) te’n thu a dot ciang in hoih tak dawng theilo te ahi zong a min mang ngilh cihte pawl hi hamtang zaw hi. Tualo in UNHCR zumpi pan thu omlo in hong mawk laaksak kik ngiatlo hi.

Bang thu bangla ahi zong ih Zomi pih sung ah UNHCR zum pan na UNHCR card hong laak sak kik ahih zenzen leh ZRC zum ah nong zaksak hamtang ding in kong zasak hi. Athei kha ih om leh zong ZRC zum ah nong zaksak ding kisam hi. ZRC in ahoih pen ding leh a lem thei pen ding in hong ki pan pih ding hi.

Awging Lom 3, Hawm 87 A Zom>>>>>>>>>>
Puan Silh Dan-I Huzap
Puansilh iplahna in gamtat hoih susia-a, kikep siamna leh lungsim hoih a hi Khristian numeite’ zia leh tong tawh kileh bulh hi. Puansilh nikten a uang lua in a silh mite’ lungsung ah lanna piang sak hi. Kizepna ah a uang theithei uukna panin zia leh tong siatna piang pahpah a hih lam Pasian in mu hi. A man tam kizepnate in a pha bawl nopna lungsim neu sak a hih lam Ama’n thei hi. 4T, Laimai 645.

Ka sanggam numeinote in, kineih khemna a om lo Puansilh a kician a baih lamte a silh ding uh ka deih hi. A kilawm puansilh lah gamtatna sangin mi dangte’ tungah na khawvak na taan sakna ding lampi hoih zaw om tuan lo hi. Tawntung nate tawh gentehin, tu lai nuntakna a thupina mi khempeuh kiangah na lak thei ding hi. 3T, Laimai 376.

Thu-um lote’ tungah huzap a neih theihna dingun mi tampi in leitung mite bangin kizem uh hi, a hi zong in tua san tak pen a khialhna uh hi zaw hi. Amaute in a maan hot khiatna huzap a neih nop uh leh, a upna bangun gamta uh hen la, a pha a bawlna uh tawh a up-na uh lak hen la, Khristian leh leitung mi a kilamdanna kidawk sak uh hen. Kampau, puansilh leh gamtatna in Pasian’ a ding thu gen ding hi. Tua ciang in a kiim a pam uha mote’ tungah a siangtho huzap tung dinga Jesu tawh amaute a om khawm a hih lam uh thu-um lote nangawn in zong a maute’ thu hong thei ding uh hi. Kuamah peuh in thumaan tawh mi a thuzawh nop uh leh a kiniamkhiat Honpa etteh in, a upna uh bangin nungta uh hen. 4T, Laimai 633, 634.

Ka nau numeite aw, a sia lam a hih tuak peuhmah pelh un. Hih hun kinawh, siatna gimnam sungah, lim taka na kikep kei uh leh lau huai hi. Gamtat hoih leh kikep siamna tawm mahmah hi. Khris’ thuzuite aw, na upna uh pahtawi-a kikep siamna suang manpha na neih ding uh kong hansuah hi.Tua in vaang hong nei sak bek ding hi.

A baih lam theithei-in kizema, gamtat hoihna tawh a thuah leh, siatna a tula simte panin amah liaha a siangtho-a a om theihna dingin, tua in numei’ kihuutna suak ding hi. CG, laimai 417.

A baih lama kizepna in thu phawk thei numei’a ding in hamphatna lianpi a hihi. Khristiante’ kizepna ding a kilawm bang in kizem in. Pasian a zahtak numeite bangin gamtat hoihna tawh a baih lam leh a kician linlian in kizem in.

Kizep dan tuamtuamte a zuih nop manun mi tampi in, a baih lama kizepnate deih nawn lo-in, bawl tawm kizepna hong paakta hi. A hun uh leh a sum uh, a lungsim hatna uh leh a kha uh, thupina paai khia-in kizepna bekbek tawh nitum uh hi.

Kong it khangnote aw, leitung mite’ ki zepdan ten na zuihna uh, kham leh suang manpha-a kipan a pua lam kizepna tawh na upna uh thumaan leh na biakna uh mi dangte’ kiangah na lutsak zo kei ding uh hi. Lungsim ngaihsun thei mite in na puatham ki zepnate uh panin na lungsim uh thanemna leh ki phatsakna te hong mupah ding uh hi. CG, laimai 421.

Naupang leh khangno khempeuh in kawk bang lo-a a ngah theih ding uh kizepna khat om hi. Tua in misiangtho te’ dik gamtatna a hihi. Leitung mite’ kizepna dan banga a kizep nopna zahun tua kizepna ngah nopna lungsim a neih uh leh Khris’ dikna tawh amaute a sawt lo-in kituam dinga, a min uh nuntakna laibu pan-in kiphiat nawn lo ding hi. Nute, Khangnote leh naupangte in, “Ka sungah lungtang siangtho hong guan in Pasian aw, ka sung lamah lungsim maan a thakin hong guan in,” ci-a thu a nget ding uh kisam hi. Late 51:10. Tua lungtang siangtho leh a deih huai lungsim pen tu leh a tawntunga ding in kham sangin manpha zaw hi. Lungsim siangthote bek in Pasian mu ding uh hi. CG, Laimai 417, 418.<<<<<<<

Laisiangtho (Zomi International Version), Minam puan, niik, dial leh a dangdang a hoih nono adeih na om uh leh ZRC zum pan ki ngah thei tawntung hi. Gauh natna, zunkhum, sikhum, sikhangte ading in zatui hoih mahmah om hi. A lunggulh te in 017-610 0389 tung ah ki teldot thei hi.

  1. Card Tuamtuam Bawlna Ah Pasal 1 Kideih
    2. Amun    : Subang Jaya
    Ahun    : Nai 12 sung
    Khasum     : RM 1200
    Omna/An    : Pialo Kisap    : PS/AI
  2. Kongkhak Tuamtuam Bawlna Ah Pasal 4 Kideih
    3. Amun    : Subang Jaya
    Ahun    : Nai 9 sung
    Khasum Basic    : RM 900
    OT    : Om
  3. Zum Nasem Numei 1 Kideih
    4. Amun    : Subang Jaya
    Khasum    : Ki holim ding
    Nasep hun    : Nai 9 sung

Atung aa kigelh nasep te banah nasep dang tuamtuam na lugnlut leh Thursday ni sim in ZRC zumah zingsang 11:00am in interview om den hi.


ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
at
Labels: , , ,