F-February 20 Ni
F-fi…February sawmnih
(20) ni Zomi Nam Ni hi. Malaysia, Kawlgam, Zogam leh gamdang muntuamtuam a
om Zomi a kuamapeuh tukum 2015 Zomi Nam Ni nuamtak leh lungkim takin a zangkim
thei tek ding in ibiak Pasian in thupha hong pia tekta hen.
Minam ni akici kammal khempeuh in bang gam bang gam ah
ahizongin, kua minam kua minamte kiangah ahizongin, gambuppi vai thupi khat
tangtut ni gualzawh ni aki ciaptehna ni hi kim hi. Tua ahihmah bangin, Zomi Nam
Ni i cih in zong, Zomi buppi suahtakni, Zomi te tenna gam ki ukna i kheel zawh
ni, Zomi buppi democracy i ngah ni, cihnopna hi.
February 20, 1948
in amasa pen Zomi Nam Ni kibawl hi. Tua ma in, Zomi te tenna gam bangci hiam
cih theih huai hi. Tua hun lai-in, Zomi te tenna gam ki-ukna pen bang Upadi
tawh ki-uk hiam cih leh Chin Hills Regulation Acts akici, British Kumpi in 1896
kuma abawl upadi tawh ki-uk hi. Tua upadi in tu-a, ei tenna gam sung teng bek
hilo-in, tulaitaka Mizoram akici Lushai Hills teng, Manipur gam singtang teng,
tu laitaka Nagaland akici gam teng, tu-a Sagaing Division sunga kihel Sommra
Hill teng leh Mizoram taw lama Cacha-chakma gamteng huam hi. Tua the Chin Hills
Regulation Acts ii deihna bulpi bang hiam cihleh feudalism akici ukpi-ngeina
tawh ki-ukna hi-a, ukpi te’n amau ukna gam sung teng ah, siahtung-siahphei,
saliang-sapa, tuktha- khaltha kai hi. Hausa zong ukpi te’n apiak peuh hausa
suaka, gam bup ukna pen amasa in hausa, tua khit ciangin ukpite, vuandokte,
vuandok tung ah mangpi, mangpi tungah menzi cih bangin ki-uk a tua menzi pen
Zomi te tenna gam ah koihlo-in Kawlgam, Magway khua ah koih hi. Tua ahih manin,
hih feudalism ki-ukna Zogam ah kiphiat hen ci-a, Magway menzi zum-a ava gen
ngei Pu Suang Khaw Kam zong tuamun ah vasi hi. Tuhuna a i zat Zomi Nam Ni pen
1948 kum, January 4, zingsang lam nai 4:20 hun in, gambup suahtakna i ngah khit
ciangin, President masa pen ahi Sao Shwe Thaike Falam ah ong pai-in, ama om
sung mah in Zomi Nam Buppi kikhopna kibawl a, tua khawmpi ah Pu Thang Za Kai
(Subidar) in, Ukpi ngeina bei hen, gambup suahtakna kingah khin a democracy
tawh ki-uk ta ahih manin, Zomi te tenna gam ah zong, democracy ngeina tawh
ki-uk ni cih thu sung a, mipi’n thukimpih maw thukimpihlo cih thu, tule-ding in
khentat uhi. Akikhawm mi buppi 5000 val pha sung pan in, a tamzaw thamin
thukimpih a mi 17 in
thukimpih lo bek hi. Tua ahih manin, 1948, February 20 ni,
Zomi buppi democracy ngah ni, ahih manin, akici hi. Lam khat ah ukpi ngeina
apiangsak The Chin Hills Regulation Acts bei ni ahi hi. Hi bangin mipi’ deihna
tawh The Chin Hills Regulation Act kiphiat khia-a, mipi deihna democracy tawh
ki-uk theihna dingin, Chin Special Division Acts kibawla, tua upadi tawh i
Zogam ki-uk i hih manin, siahtung siahphei om nawnlo, tukthakhaltha om nawnlo,
saliang-sapa om nawnlo in, hausa upa zong mipi teelte bek in hausa sem thei hi.
Khua nga khua guk bang kigawm in khawkkhat in kiseh a, tua khawk sunga
hausateng in khawk-uk ding teel leuleu uhi.
Tua ahih manin, ZOMI NAM NI apian’ khit ciangin, i gam sung
ki-uk dan pen, khua hausa khua-sung mipi’n teel hi; tua mipi teel hausatengin
khawk-uk teel leuleu uhi.Tua khawk-uk khit ciangin, vuandok, vuandok khit
ciangin mangpi, mangpi khit ciangin, menzi hi-a, tua Zogam uk menzipa pen
Magway ah om nawnlo-in, tua hun lai-a Zogam khuapi ahi Falam ah om hi. Zogam
Zumpi pen Zangkongah kikoih hi. Hi banga mipi’ deihna tawh akiphiat lohna gam,
India gam bangah tu lai taka, Manipur State sunga om Behiangzang, Tonglawn khua
cihte ah tuni dongin tua The Chin Hills Regulation Acts om lai ahih manin,
hausate’n akhua, atui tungah siahkai lai-a, agam leitang tungah zong tuni dong
thunei lai hi. Zogam ah Zomi Nam Ni apian’na dinga avaihawm party KSVP
(Khamtung Suahtak Vaihawm Pawlpi) hi-a, amakaite in Maha Thray Sithu Capt. Mang
Tung Nung leh Pu Thang Khaw Kai ahi uhi.
Hih ZOMI NAM NI (ZOMI NATIONAL DAY) pen amasa in, Pu Zahre
Lian in ama suah ni tawh laih nuam a, laihzo lo hi. General Ne Win in zong
Pyine lakni tawh laih nuam a, mipi’n saangzo lo hi. Tu in zong SPDC in Pyine Ni
ding mah in, hih den a, ahih hang mipi’n saangzo lo hi hang. Bang hang hiam cih
leh ZOMI cih min pen akip, akho dinga Pasian tunga i ap sa min ahih hang ahihi.
Zaila
Awikhawm Veni:
(a) February
kha ni sawmnih ni, ZOMI NAM NI aw, ni lunmang ni, ni neelkaai ni aw ee.
(b)
Ni lunmang ni ,
ni neelkaai ni aw, nunnop lamtaang i kaihni aw ee.
(a) Lia-le
taang tem bang kitawi un, ZOMI NAM NI lam bang pak le’ng, lam bang pak le’ng
ee.
(b)
ZOMI NAM NI lam
bangpak le’ng, Zomi buppi’ angtan’na hi-a, bang i thasial na diam lawm aw, na
diam lawm ee.
HELP College Ki Hong Kik Ta
Gambeel khangno sangkahnuam akua mapeuh ading in UNHCR leh
Help College te ii vai hawm siam na tawh Help college ah sang ki ap kik theita
cih thu hoih kong zasak sawn uh hi. Hih
sang ah mikang pau ki sinsak masa aa, mikang pau azo khin (ahk) azawh khit uh
ciang in siamna pawl khat, an leh meh huan dan (culinary art) leh computer (IT)
lam zong alem aa leh ki sin sak lai ding hi. Thucian a kimzaw a theinuam te in
ZRC zum ah ki dong thei aa, nang leh nang in zong online pan google form ki
gelhdim (fillup) thei ziau hi.
Alunglutte ii theih ding:
Application
deadline : 13th March 2015
Kum (age) : 15-24 kikal
UNHCR card neih hamtang kulhi.
ZOMI CARe Lei Hamtang Ni
UNHCR card atawi nailo Zomi akua mapeuh in ZOMI CARe lei kim
ding kong deih sak uh hi. Zomi CARe pen Malaysia gamsung aa om akua mapeuh
ading in akibawl ahi hi. Adiakdiak in
UNHCR card tawi nailo peuhmah in ZOMI CARe lutkiim leng ei aa ding hoih pen
ding hi.
Kipawlna card ahing lai khat pepeuh atawi, Tune Insurance ah
lutkhuan a ngahlo, khempeuh in lei thei ding hi.
Malaysia gam ah ih omsung in nat leh sat ki tuak thei zel
hi. Zato pai loh pha mawh pawl khat hong om aa, sum tampi hong bei in ki en zolo
thei hi. Tua hunlai tak in ZOMI CARe member khat hi zenzen le cin nang aa ding
aa Zato lupman tawh ki sai buai omlo ding aa, lungkham omlo ding hi.
ZOMI CARe member akua mapeuh in Zato pai dingzato lum ding
peuh mah in a nuai aa phone number hong hopih masa hamtang un.
Hotline: 012-622 2986
; Phone/Fax: 03-9224 7283 (9am-6pm)
Email Address: zrcmly@gmail.com
A Pelhhuai Mun Thupi Pawl Khat
Tulai khuasung ah UN Card nei/neilo cih khentuam omlo in
kimat-kihen nasia mahmah hi. ##Kotaraya##Pudu Meileng Khawlna##Hong
Leong Bank (Imbi)## hih mun te
ah a tawntung in omden den phial uhi.
…………………………………………………………..
Deihlohpen
in hong ki mat zenzen leh Sya Francis
012-301 1206 tung ah huhna ki ngen thei den hi.
……………………………………………………..........
Zato paipih
ding akisam te in Sya Hau Lian-010-885
0054 ki hopih thei denhi.
UN Card Khat Kimu
UN Ref. No. 791-09C15726-Thang Lin Lian
Sum Ki Khak Thei Hi
Malaysia pan Zogam khuapi te lak aa khat ahi Tedim ah sum
nakhak nopleh Kuala Lumpur khuasung Mydin tawh ki maingat New Enden Ansai (Zomi
Ansai) pan nuamtak in sum kikhak theita hi.
***Khak
ni-in ki thohthei pah hi***
Contact: Pa Khup 011-3343 3031
Sia Nialpi 014-734 0661
Tune Insurance Tawh Kisai
Nikhat thu in Tune Insurance lei in a ngahpah
nuamte in a nuai aa kigelh mun leh hunsung in a zumpi ah UN card meihtuu leh a
kisam tuamtuamte tawi in ki leithei den hi.
Omna mun:
Level 9,
Wisma Tune,
No. 19,
Lorong Dungun,
Damansara
Heights,
50490
Kuala Lumpur
Ph:
03-2087 9000
Fax:
03-2094 1366
Zum honhun:
Monday –
Thursday (8:30 am pan 5:30pm)
Friday (8:30 am pan 4:30pm)
•
Zumkhak ma deuh khawng in na tunleh ni khat in
ki ngahpah lo kha ding hi.
•
Zato na tuahhun ciang in company te’n na sumbat
te hongpiaksak pah huthut ding hilo hi. A sumbei te na sik masak phot kul a,
tua na bill/receipt (sumpiakna laidal) te tungtawn in a mau kiang pan a kingah
kik thei hizaw hi. Tua bang hunciang in haksatna a tuak te in ZRC zumah huhna
kingen thei hi.
KUMPI, UNHCR leh ZRC Zumte Kikhak Ding
February 19, 2015
(Sen Kumthak-Nimasa Ni)
February 20, 2015
(Zomi Nam Ni)
(Sen Kumthak-Ninih Ni)
Nasep!!
Nasep!! Nasep!!
1.
Shop Assistant
Ding Pasal 1 Kideih
Amun : Bangsar
Kisap : Mikang Pau Ahun : 10hr/day
Kisap : Mikang Pau Ahun : 10hr/day
2.
Japan Ansai
ah Numei 2 Kideih
Amun : Solaris Dutamas
Omna/An : Pia
Kisap: Mikang pau thei/tel/pauthei
Amun : Solaris Dutamas
Omna/An : Pia
Kisap: Mikang pau thei/tel/pauthei
Atung ah nasepte tawh kisai in Thursday ni
sim in ZRC zum ah ki dawp thei hi. Phone
No. 012-776 3014