UNHCR Zum Ah Uliante Leh Kipawlna Makaite Ki Mu Khawm
UNHCR-CDU (Community Development Unit) te ii makaihna tawh
February 5, 2015 (Thursday) ni zingsang nai 9:30am in UNHCR zum hall sung ah
RST (Resettlement Department) pan leh RSC (Resettlement Support Centre) pan
uliante in thu genna hong nei uh hi.
RST pan in min kibang
(fraud case) tawh ki sai hong lim gen pha mahmah uh aa, mi min alei, suah kum
khem, tangthu khem, UN card lei, zuau thu ahi limlim UN zum ah agen nuam akua
mapeuh in April 1, 2015 anunung pen
in a ki gen khiat ding hong vaikhak phapha uh hi. A ki genkhia te tung ah a mai
lam ding
ngaihsutsakna ki nei ding hi cih zong hong gen khia uh
hi.
Zuau (Fraud case) tawh kisai in nam 6 in ki khen khia hi.
1. Mimal
Hihna Khem
2. Ki
Ciamna Lai/Ciamtehna Lai
3. Innkuan Gawmna
4. Tangthu Khemna
5. Gawlhguuk
6. Thu maanlo/Phalna Omlo aa
gamta
Min kibang (fraud) tawh a awk peuh mah pen mimal in ki
interview kik ding aa, athu tawh ki zui in a vaai uh pen a kha, a kum in ki
koihdap sakphot ding hi. Min kibang (fraud) tawh a awk peuh mah UNHCR pan
interview khit zawh kal 2 sung hun ki pia lai ding aa, a tangthu uh leh
thumnalai gelh in mlslufrd@unhcr.org
ah ki khak thei hi.
Thu hong dong tu (officer) te tung ah lungkim lohna ahi zong
thu maan na sak kei uh leh inspector@unhcr.org tung ah khiatna lai ki gelh
thei hi. UN phualpi dong apuak nuam peuh mah in: 94 rue de Montbrillant, CP
2500, 1211 Genveva address tawh lai ki khak thei hi. Phone tawh akhia nuamte’n
zong +41 22 739 88 44 tung ah ki hopih thei hi.
Theih ding: Akhia nuam peuh mah in a min, hun, ni,kha, kum leh mun cihte theih ding kisam hi. Hi thei hi leh a maan
(photo), awkhumna (recording) khawng om thei leh hoih zaw hi.
RSC pan in casi
website tawh ki sai hilh cianna hong nei aa, RSC aphyi (interview) khin peuh
mah in avaai uh a theihnop ciang un online pan https://casi.rescue.org ah MY numbat uh khen
tawm in a et theih nading un a ki bawl ahi hi. Hih tungtawn in na UN vaai, zum
pai ni ding cih te
ki enthei hi. RSC ah maituah thudotna (interview) na
mansiang ciang in MY numbat hong kipiak leh Password zong hong kipia pah ding
aa, na ngahpah kei leh zong klinquiries@rescue.org ah laikhak in ki ngen thei
hi. RSC maituah thudotna (interview) mankhin a DHS (Lawakah), sisit, Tintan
(Cultural and Orientation) kah ni ding a dawp nuam peuh mah in zong 03-2141
5486 tungtawn in ki dawp thei hi.
Pu Gin Kam Lian ZRC Zum Ah Hong Hawh
February 6, 2015 (Friday) ni zingsang 11:00am in ZRC zum ah
Pu Gin Kam Lian leh azi Pi Ciin Khawm Cing hong hawh thei uh hi. Pu Kam Lian
leh ZRC zum nasemte, Advisor te ban ah pawlpi sya pawl khat tawh itna an kuang
um khopna ki nei thei hi. Pu Kam Lian
tawh Zomi vai, gamvai thuhoih thumanpha tampi tak ki kup
khopna ki nei thei hi. Pu Kam Lian pen kawlgam ah Zomi party ahi Zomi Congress
for Democracy (ZCD) ah thu vanpi (General Secretary) pan mun a let lai tak ahi
hi.
HELP College Ki Hong Kik Ta
Gambeel khangno sangkahnuam akua mapeuh ading in UNHCR leh
Help College te ii vai hawm siam na tawh
Help college ah sang ki ap kik theita cih thu hoih kong zasak sawn uh hi. Hih sang ah mikang pau ki
sinsak masa aa, mikang pau azo khin (ahk) azawh khit uh ciang in siamna pawl
khat, an leh meh huan dan (culinary art) leh computer (IT) lam zong alem aa leh
ki sin sak lai ding hi. Thucian a kimzaw a theinuam te in ZRC zum ah ki dong
thei aa, nang leh nang in zong online pan google form ki gelhdim (fillup) thei
ziau hi.
Alunglutte ii theih ding:
Application
deadline : 13th March 2015
Kum (age) : 15-24 kikal
UNHCR card neih hamtang kulhi.
A (1) Veina SDA (Zomi) Crusade
Ih biak Pasian thupha tawh Malaysia aa om SDA (Zomi) pawlpi
te in “Hong Thak Suaksak Kik In” cih thulu tawh Pasian thu nungta tangkona
(crusade) February 8-13, 2015 (8:00pm-10:00pm) kikal sung nei ding ahihman un itna leh deihsakna lianpi
tawh Zomi akua mapeuh a pai kim ciat ding hong zo thacial in hong zawn
uhhi.
Ani : February 8-13,
2015
Ahun : 8:00pm-10:00pm
Amun : KL SDA (Zomi)
No. 8-3A, Jalan Sungai Besi
57100 Kuala Lumpur
ZOMI CARe Lei Hamtang Ni
UNHCR card atawi nailo Zomi akua mapeuh in ZOMI CARe lei kim
ding kong deih sak uh hi. Zomi CARe pen Malaysia gamsung aa om akua mapeuh
ading in akibawl ahi hi. Adiak in UNHCR
card tawi nailo peuhmah in ZOMI CARe lutkiim leng ei aa ding hoih pen ding hi.
Kipawlna card ahing lai khat
pepeuh atawi, Tune Insurance ah lutkhuan a ngahlo, khempeuh in lei thei ding
hi.
Malaysia gam ah ih omsung in nat
leh sat ki tuak thei zel hi. Zato pai loh pha mawh pawl khat hong om aa, sum
tampi hong bei in ki en zolo thei hi. Tua hunlai tak in ZOMI CARe member khat
hi zenzen le cin nang aa ding aa Zato lupman tawh ki sai buai omlo ding aa,
lungkham omlo ding hi.
ZOMI CARe member akua mapeuh in
Zato pai dingzato lum ding peuh mah in a nuai aa phone number hong hopih masa
hamtang un. Hotline: 012-622 2986, zum hon sung Phone/Fax: 03-9224 7283.
Email Address: zrcmly@gmail.com . ZRC zum ah a sem palaaite tung
ah zong ki zaksak thei den hi.
Kha Ki Patlam Vak Ki Dawm Ni
UNHCR card atawi nailo Zomi gambeel akua mapeuh pai suk pai
tohna ah ki dop ding kong theisak uh hi. Adiakdiak in kha ki pat cil in khasum
ki sang ciat aa, tua pen sum zong pute in zong thei ahihman in kha ki patlam ta
sum zong in vaak thei ahihman in ki dop ding kong theisak phapha uh hi.
Deihlohpen in hong ki mat zenzen leh Sya
Francis 012-301 1206 tung ah huhna ki ngen thei den hi.
Nasep!!
Nasep!! Nasep!!
1. House Cleaner Ah Numei 5 Kideih
Amun : PJ
Nitha : RM 5/hr
Omna/An : Pia
2. Ware House Ah Pasal 3 Kideih
Amun : Jahor, Tangkak, Selayang,Bandar Tasik Selatan
Kisap : Malay Pau
3. Western Café Ah Pasal 1 Kideih
Amun : Sunway College
Kisap : Mikang Pau
Ahun : 10hr/day, Sunday off
4. Hair Salon Ah Numei 1 Kideih
Amun : Sunway Giz, PJ
Kisap : Mikang Pau
Ahun : 10hr/day (Monday ni sim off)
5. Shop Assistant Ding Pasal 1 Kideih
Amun : Bangsar
Kisap : Mikang Pau
Ahun : 10hr/day
6. Bakery Shop Ah Waitress Ding Numei 2 Kideih
Amun : Bangsar
Kisap : Mikang Pau
Ahun : 12hr/day
7. Burger Restaurant Ah Numei 1 Kideih
Amun : Mid Valley
Kisap : Malay Pau (Anbuuk huh ding)
Ahun : 10hr/day
8. Japan Ansai ah Numei 2 Kideih Amun : Solaris Dutamas
Omna/An : Pia
Kisap: Mikang pau thei/tel/pauthei
Atung ah nasepte tawh kisai in Thursday ni
sim in ZRC zum ah ki dawp thei hi. Phone
No. 012-776 3014