LEIHUAI LO HI----LEIHUAI LO HI ZRC facebook
Tulai khuasung, a naaigamla (KL, Johor, Penang leh adangdang…),mun pawlkhat ah “Kad Perjasa” ci-in RM. 250- RM. 700 khawng in Malaysia gamsung a om gamdang mite tung ah kizuak cih thuthang om hi. Hih Kad/Card a nei te in nasem thei in kimat-kihen cih zong omlo ding ci uhhi. Hih bang Kad/Card te pen Malay kumpi lampan in theihpihna omlo ahihman in NA LEI KHAKEI IN la, a lei ding na theih leh zong hihthu na hilhsawn sak ding kong theisak uh hi.
Operacy Om Koikoi UNHCR card atawi nailo Zomi gambeel akua mapeuh pai suk pai tohna ah ki dop ding kong theisak uh hi. Deihlohpen in ki mat na tuah zenzen leh Sya Francis 012-301 1206 tung ah huhna ki ngen thei hi.
!!!ZOMI CARe!!!
UNHCR card atawi nailo Zomi akua mapeuh in ZOMI CARe ah ih lut kim ding hoih pen hi.
- Zomi CARe Tawh Kisai Gencian Na
Zomi CARe pen Malaysia gamsung aa om akua mapeuh ading in akibawl ahi hi. Adiak in UNHCR card tawi nailo peuhmah in ZOMI CARe lutkiim leng ei aa ding hoih pen ding hi. - ZOMI CARe Kuateng In Lei Thei, Lei Kul Ding Hiam?
Kipawlna card ahing lai khat pepeuh atawi, Tune Insurance ah lutkhuan a ngahlo, khempeuh in lei thei ding hi. - ZOMI CARe In A Ngiimna Bang Hiam?
a) Malaysia gamsung ah mimal, innkuan hamsatna zato ih tun teh ih ki huai zawh na ding ahi hi.
b) Lam-et hetloh pi-in liam-le-baai, nat-le-sat hunciang in zatopi atungte sum-le-paai hamsatna ih tuah maa aa, kidalna ding ahi hi. - ZOMI CARe Nalutphet Aa Kizang Theipah Nam Teng:
Accident, mawtaw taih, motor cycle taih, nasepna ah inntung pan kia, accident ei lampan mawhna omlo te ZOMI CARe nalut phet in zang thei pah hi teh. Ahi zong in zukham, guih theih kham theih azangte, kilaikitawng, ki vua cih a om leh ZOMI CARe satan ngahlo ding hi. Palik, doctor te ciaptehna dandan en in huh ding leh huh loh ding kikhen tat ding hi. - ZOMI CARe Nalut Zawh “Ni 60 Khitciang” Aki Ngah Thei Namteng:
ZOMI CARe ah na lutzawh, na lutni pan ki pan ni 60 khit ciang ZOMI CARe ii hamphatna ngahtheih namteng; si-khang, zunkhum, si-khum, bilna, ngawngna, cancer, naaksung, lungtang, sihui, kallsung, dula, tonsil, naubu, tawlbawk, gilzangkia te pawl pen ZOMI CARe nalut zawh ni 60 khitteh ngah thei panding hi. - ZOMI CARe Hamphatna In A Huamkhak Bangteng Hiam?
Zato inn ah lupman tawh kisai in zato lum (inpatient) te bek huamkha ding hi. Zato lum ih cihte pen siavuante in zato a lupsak zato ah kep-le-khoi akul te cihna hi. Gentehna in aatloh a phamawh cina gimte/git neihlohpi - ZOMI CARe lut khin in zato nalup leh sumpiakna bill (receipt) tawh ZRC zum ah sum thoh thei hi teh. Ahi zong khua makai (or) Pastor te theih pihna bek tawh hong ki thoh sak bek ding hi.
- ZOMI CARe Pen Koi Mun Ah Ki Leithei Ding Hiam?
ZOMI CARe pen ZRC zum aki hon hunsung in ki lei thei tawntung hi. - ZOMI CARe Nalut Ciang Akisam Teng:Maan (photo), Min, Suahni/kha/kum, Pa leh Nu min, Kawlgam omna, Malaysia Omna, Contact/phone, Email ID, Khua makai, Malaysia pawlpi, etc cih te kisam hi.
- ZOMI CARe Vaipuak Pen Hihing Nuntak Sung Bek Hi Ding Aa, Hong Nusia Khinte Vai Ki Hello Ding Hi.
- Zato Nalup Leh Phone Set Masa Le Cin Lempen Zato pai ding-zato lum ding peuh mah in a nuai aa phone number hong hopih masa hamtang un.
Hotline: 012-622 2986,
ZRC zum hon sung
Phone/Fax: 03-9224 7283.
Email Address: zrcmly@gmail.com
ZRC zum ah a sem palaaite tung ah zong ki zaksak thei den hi.
Tuidawn Na Hangin Aki Ngah Damna
1. Sisan paidan mansak
2. An gawina ding in huhna pia.
3. Huihdik nuamsak.
4. Mit, guh le tang satakte cidam sak.
5. Ankam lim sak hi.
6. Pumpi Cilumna mansak
7. Lungkhamna kiamsak hi.
8. Pumpi sungpan nin paikhiatna huh hi.
2. An gawina ding in huhna pia.
3. Huihdik nuamsak.
4. Mit, guh le tang satakte cidam sak.
5. Ankam lim sak hi.
6. Pumpi Cilumna mansak
7. Lungkhamna kiamsak hi.
8. Pumpi sungpan nin paikhiatna huh hi.
Mihing cidam khat ii kaal in 400 vei sisan khaih khia hi. Nikhat in mihing khat nuntakna ding in tui litre tul khat kisam hi. (Zat ding) Kuang le keu sawpna ding in tui hai khat bek kizang theilo hi. Kisil nading in zong tui hai khat bek ki zang theilo hi. Nisim in pumpi pan a apai khia tui bangzah hiam cih en suk ni.
a) Zun haii 5.5
b) Huih dik suk dik toh haii 3
c) Khua ul haii 3
d) Dai leeng na haii 1.2
b) Huih dik suk dik toh haii 3
c) Khua ul haii 3
d) Dai leeng na haii 1.2
A ki gawm hai 12 pha hi. Nisim i nek i dawnte sungpan in i pumpi sung ah a lut kik tui bangzah pha hiam? cih en suk dih ni. Ih an nek tuidawn na pan in hai 2.5, adangdang pan hai 1.5, aki gawm in hai 4 bek pha hi. Ei hahkat na tawh ni khat in hai (8) dawn beh ding kisam lai cih a thak in phawk ni. Zingsang thawh tung hai 2, sun hai 3, ni tak hai 3 cih bangin dawnding hi. Tui i dawn ciang in annek ma nai lang, an nek khit nai 2 sung bang ki hal hamtang leh hoih hi.
Tui dawn pen hoih mahmah napi’n Kaal natna nei te’n tampi dawn ding hoihlo hi. Bang hang hiam cih leh Kaal natna aneite a tuidawn khempeuh khaih khin zolo in ki khol ahih manin gim piapia tawh kibang hi. Na pumpi in tui kisam maw, ki samlo cih na zun pan in ki thei hi. A naipak colour ahih leh na pumpi sungah tui kinak sap mahmah ta cih ki phawk in.
Tuidawn Lohna Hangin Akingah Thei Natna
1. Lungtang na. 4. Gimna, tawlna
2. Dangtak den na 5. Ci leh sa keu na
3. Sungkhakna
1. Lungtang na. 4. Gimna, tawlna
2. Dangtak den na 5. Ci leh sa keu na
3. Sungkhakna
Air-con sungah om mite leh Khua-ul tampi suak a na semte in tui tampi dawnding kisam hi. Nikhat in tui haii 5 dawn na in nuntak khop nading bek ahi hi. Haii 8 dawn le hang cidamna ding hi aa, hai 10 i dawn leh ki no suah ding cih phawk ni. Mi pawl khat te in an nek khit phet in tuikhal tui tampi dawn thei uh hi. Tua bang in adawn tak uh ciangin a lum kik masiah gilpi in an gawi theilo ahihman in gilpi natna ki ngah baih mahmah hi.
Asa lua tui dawn zong hoih tuanlo hi. I kam sungah sihui neute kaang sak hi. Tui ih dawn ciang in tuisa leh tuivot hel a dawn hoih pen hi. Niangphan dawn zong hoih hetlo hi. An nek laitak in tui tampi ih dawnna in, an gawi nading hun nawngkai sak hi.
Niangteh, Kaphi, Beer, Zu hong am sakthei tui khempeuh dawn ding hoih hetlo hi. Chemical dat tawh aki bawl dawn theih tui khum (cola, 100plus, etc) cih te tampi nek loh ding hoih zaw hi. Tuate i nekna hangin i pumpi sunga aom calcium dat pen kiam sak in guhngek khang natna piangsak hi. Zoplai ding>>>>
PMCF Pan Camping Om Ding Puchong Myanmar Christian Fellowship (PMCF) pan in thu um mite ading leh a um nailo mite ading in aki bawl ahi Camping ah Zomi kha mangthang a om leh nong pai pih ding kong zawn uh hi.
Thu gen tu : Rev. Thang San Mung (His Footstep Ministry)
Ahun : February 19 (Thursday)-22 (Sunday), 2015
Lutman : Thu um nailo mite ading in a khawnkhawng hi.
Thu um mite ading in khat kia : RM 80
Ahun : February 19 (Thursday)-22 (Sunday), 2015
Lutman : Thu um nailo mite ading in a khawnkhawng hi.
Thu um mite ading in khat kia : RM 80
Innkuan : RM 100
Amun : Green View Farm Resort
Pai dan ding February 19, 2015 (Thursday) ni zingsang nai 5:00am in PMCF biakinn pan ding khia ding hi. Biakinn tawh a gamla te ading in February 18, 2015 (Wednessday) nitaak in biakinn ah ki giak thei hi.
Biakinn address:
Jalan Pusat Bandar 1,
Tesco, Bandar Puchong
Phone No.: Sya Lalam 016-279 0985
Sya Tungboih 016-927 6095
Sya Tungboih 016-927 6095
Zomi Teksi (Taxi)
Pau dang kullo in Zopau ngait tawh utnana hong paipih thei ding mawtaw ki kawm thei hi. Airport ahi zong, Malaysia gamsung ututna ah hong paipih thei ding hi. Booking khol theih zong ahi hi. Mawtaw akawm nuam peuh mah in Thawng Lian 016-354 7438 tawh na ki zop ding kong theisak uh hi.
Lungdam Kohna
Zomite a it a vei khat peuh (ka min hong suaksak dan un ci sese) in ZRC awging ading in hong pia khia ahihman in ki lungdam mahmah hi.
Lungdam Kohna
Zomite a it a vei khat peuh (ka min hong suaksak dan un ci sese) in ZRC awging ading in hong pia khia ahihman in ki lungdam mahmah hi.
Nasep!! Nasep!! Nasep!!
1. House Cleaner Ah Numei 5 Kideih
1. House Cleaner Ah Numei 5 Kideih
Amun : PJ
Nitha : RM 5/hr
Omna/An : Pia
2. Japan Ansai ah Numei 2 Kideih
Amun : Dutamas
Khasum : RM 1200
Omna/An : Pia
(Email:zrcmly@gmail.com ZRC Fax/Tel: 039-224 7283
ZRC zum hon hun : (Every day) 9:00am-6:00pm)