ZRC Awging Lom 3, Hawm 98 (26-Jul-2015)

Tukaal Thulu Te Tomlakna (na etnop pen meek ziau le cin)
  1. UNHCR Zum Ah UN Uliante Leh Kipawlna Makaite Ki Muh Khopna Kinei
  2. ZRC Zum Pan Bank Card Kibawl Kik Theita
  3. Fraud Case (Min Kibang) Te Tung Zaksakna
  4. ZRC Kum Cin Kitelna Lawh Cing
  5. Nottingham University Ah Sang Akah Nuamte Ading
  6. Australia Lam A Lunggulhte Ii Theih Ding
  7. Video Zaih Nuam Mopuan Kawmnuamte Ading Thuhoih
  8. !!!Nasep!! Nasep!! Nasep!!!

UNHCR-CDU te ii makaihna tawh UNHCR zum huang sung ah July 23, 2015 (Thursday) ni zingsang nai 9:30am-12:30pm dong ki pawlna makai te leh UNCHR uliante tawh ki muh khopna ki nei thei hi.

UNHCR-EDU Pan Thu Genna
EDU (Education Department Unit) pan in Ms. Mimi leh a seppih in thu genna hong nei uh hi. Hong gen na vuah Malaysia ah gambeel naupang khangno pen a tamna tawh kizui in sang a kah tawm mahmah cih thu hong gen hi. Sang kah gual kum 18 nuai 100% lak ah 46% bek sang kah ahihman in naupang te sang kah ding han thawn ding ki sam mahmah hi. Ih ta te sang kahna ding han thawn ciat ni. Kua mah ii hamphatna ding hilo in na tate uh sang kah sak leu cin, no tate mah in ni khat ni ciang hong lungdam ko kik ding uh hi. Ansai ah a sem na ta pa/nu khat a teek dong ansai ah sem sak suak nuam na hi uh hiam? Nu leh pa te aw….. Tate it siam, kep siam in, tate it dan maan ding thupi ding hi. Tate it ing ci aa, thu maan hilh ngamlo, a utut aa gamta sak cih bang pen hong hilo leuleu hi. Tulai tak bek aa ding geello in mailam ading gel siam ni. Tate in zong sang kah nopna lungsim neih kul hi. Nu leh pa te’n hamsa pi tak in sang hong kahsakna te telsiam un la lai han ciam un. Na lai hanciamna te kua mah dang ading hilo aa no ading mah ahi hi.

IAD Pan Thu Genna
IAD pan uliante khat in Nau suahna lai (Birth certificate) laak dan hilh cianna hong nei hi.
1) Nau suah khit zawh ni 14 maa a la te pen (Normal Registration) kici aa, sum bang mah beilo in ol no tak in kila thei hi. MC laibu, Zato pan nausuakna lai leh Nu leh Pa te ii UNHCR card tawh lem ding hi.
2) Nau suah khit zawh ni 15-42 kikaal nau nuakna lai a la te pen tawm zakai (Delay registration) ci uh aa, RM 5 bei ding hi.
3) Nau suah n alai ni 42 ki zawh ala te pen zakai mahmah (late registration) ci in ki ciam teh ding aa, atam penpen RM 50 bang bei thei hi. Tua bek thamlo in ki sap neng2 lai kung lai dal tuamtuam ki sam ding hi cih thu hong gen uh hi.

Atel behnop ih om leh ZRC zum ah ki dawp thei hi. Nau suahna lai a la theilo ih om leh zong ZRC zum palai te kiang ah huhna ki ngen thei hi.

ZRC zum pan in Bank card kibawl kik theita cih thu hoih kong zasak uh hi. Abawl nuam akua mapeuh in ZRC zum ah na nasepna pan na pu/boss te ii company/restaurant logo tawh recommendation lai gelh sak unla ZRC zum ah nong ap na ding thu hoih kong zasak uh hi. Atel beh nuam ih om leh ZRC: 018-263 5184 tung ah ki dong thei hi.

Fraud case (a tom in gen leng Min Kibang) tawh kisai in Zomi sung ah a awk pawl khat om hi hang. Tua tawh kisai in RSC, DHS (Lawakah), IOM (Sisit), CO (Tintan) na man khit zenzen uh hang RST pan hong ki sam kik aa Interview hong bawl kik ding hi. RST pan hong ki sam aa interview hong bawl khin bek thamlo na thuak hun cing, hun bei te zong om khin ding hi hang. Tua lak ah aki hel kha akua mapeuh lungkiat ngait sut loh ding thu hoih kong zasak uh hi.

Zomite ii zum ahi Zomi Refugee Committee (ZRC) pen aki phuan thak hilo aa, A omsa ahi Zomi Innkuan Malaysia (ZIM) leh Tedim Community in Malaysia (TCM) pum khat suak in Zomite ading khut ki len in na sem khop theih ding gelna tawh 2013 kum in a omsa ahi ZIM leh TCM ki gawm in Zomi Refugee Committee (ZRC) cih min tawh July 1, 2013 in pum khat a suak hi zaw hi.

Kum 2015-2016 ading ZRC Advisor te ii makaihna tawh July 16, 2015 (Thursday) ni in ZRC kum cin ki teelna lawh cing tak in ki nei thei hi.

ZRC 2015-2016 Ki Kal Sung Ki Telna Ah Palai Hong Ngah Thak Teng:
1. Thang Khen Gin@Nanang (Chairman)
2. Vum Khan Lian@Lian Mang (Secretary)
3. Kai Sian Pau@Paupi (Treasurer)
4. Thawn Deih Piang@Piangboih (Legal In charge)
5. Thang Khan Suan@Khanpi (Medical In charge)
6. Dim Boih@Thawh Dim (Women Director)
7. Niang San Dim@Dimno (Information)
8. Dim San Cing@Sansan (Accountant)
9. Hau Khua Lian@Lianbawi (Education Director)

ZRC Kum Cin Kiteelna Ah Hong Pai Aa Hong Makai Thei Advisor Teng
1. Rev. Suan Sian Pau
2. Pa Dai Za Kam
3. Rev. Tun Hau Thang

UNHCR zumpi pan leh Nottingham University te in gambeelte ading deihsakna tawh Nottingham University ah sang kah theih nang hong vai hawm uh hi. Tua sang ong khit ciang certificate ngah theih nang zong hong vai hawm sak ding uh hi. Sang ki pat ding hun: September 2015
Amun: Jalan Broga, 43500 Semenyih,
    Selangor Darul Ehsan, Malaysia.

Alunglut akua mapeuh in ZRC zum ah Form ki ngah thei ding hi. A nunung pen in August 20, 2015 khit zawh ZRC zum pan ki sang nawnlo ding hi.

Form hong ki tin (Minsayin) hong ki pia teng lakpan mimal 5 bek ki teel khia ding aa, ki kah sak ding hi. Kum 17-30 kikal bek in Form tin theih hi ding hi. Sang kahman paik kullo aa, ahi zong in lamsap, an nek, tui dawn ei leh ei hi ding hi. Kha 1 in RM 500 bei thei ding hi. Alung lut akua mapeuh in ZRC zum tawh nong ki zopna ding kong zasak uh hi.

Australia lam a lunggulhte in 842-Form ki gelh thei kik ta hi. 842-Form cih ciang in Australia a tung khinsa na pa/na nu/na pasal/ na zi/na ta/na sanggam te in hong sam nuam ahih kul hi. Mel theih ta nau sanggam neilo te in 842-Form ki shauh theilo hi.

842-Form a shauh nuamte ii theih ding thu pawl khat
1) Na min, 2) Na card numbat, 3) Na suah ni, kha leh kum, 4) Pianna khua, 5) Pa min leh Nu Min, 6) Pa leh Nu ii Pian kum, 7) Sang bang ciang zo, 8) Sang bang kum pan bang kum ciang dong sang kah, 9) Tu ma kum 10 in na nasep na mun teng, 10) Tu ma kum 15 in na om ngeina mun teng, 11) Malaysia tun ni, kha leh kum, 12) Kawlgam pan tai khiat kum, 13) Na omna mun (address) aki cing tak in theih ding, 14) Na phone numbat, 15) Kawlgam pan nong tai khiatna thu, 16) Kawlgam ciah kik leh cin bang hong ki cih tam?, 17) Kawlgam ciah kik leh cin kua in bang hong cih ding? 18) UNHCR card copy, Passport size maan 8 (letmat 1.5X2), 19) Hong sam dingte ii Min, Suah ni, kha leh kum, 20) Hong sam dingte ii omma (address) aki cing in leh a phone numbat uh, 21) Hong sam dingte in Australia ah citizen ngah khin maw ahih kei leh Permanent residence ngah khin? Cihte aa ki pan ki sam ahihman in a lunglut a shauh nuam peuh mah in ki ginh kholhsa in nongpai ding kong zasak uh hi.

Zomite Mopawi ih bawl ciang in Latest Design 2015 Mopuan hoih nono ih kawm nop leh Pandan Jaya veng ah om Latest Video HD zaih siam mahmah Sya Lianbawi 012-343 6675/039-201 2508 tung pan ki kawm thei hi cih thu hoih kong zasak uh hi. Mopuan hoih nono kawm bek hilo in Video zong zaih siam mahmah hi. Tua ahihman in Video zaih nuamte in zong ho pih thei hi. Lakhui zaih nuam, Movie zaih nuam, Picnic ah video amhat tayah ding in ki zaih nuamte leh Activity tuamtuam aziah nuamte in ki sam thei hi. Mopawi leh Video zong thuah kawm thei hi. Maibuu (Facebook) pan zong video a zaihsa te ahi zong mopuan aneihte ki en thei hi.

Facebook Min: Lianbawi (Photographer)
Facebook Link
Kizopna ding: Sya Lianbawi 012-343 6675
                                                    039-201 2508

  1. Ansai Ah Mi 2 Kideih
    2. Amun    :  Puchong Tesco
    Ahun    :  Nai 9 sung
    Omna/An     :  Pia
    Kal 2     :  1 vei Off
    Khasum     :  RM 900
  2. Setzong ah Numei 3 Kideih
    3. Nitha     :  RM 55
    Ahun     :  8:00am-8:00pm
    Offday     :  Sunday
Atung aa nasepte tawh kisai ki zopna ding: 018-263 5184

ZRC zum hon hun :
(Every day)
9:00am - 6:00pm
Email:
zrcmly@gmail.com
Fax/Tel:
039-224 7283
Download-ZRC Awging Lom 3, Hawm 98.PDF
at
Labels: , , , ,